Ilinniarnertuunngorniarneq (GUX)

Ilinniarnertuunngorniarneq (GUX) sunaana aamma ilinniarnertuutut ilinniarnerit sumut atorsinnaaviuk?

Ilinniarnertuunngorniarneq sunaana? 

Piviusut

  • Sivisussusia: uk. 3
  • Qinnuteqarfissaq: 1. marts
  • Aningaasaqarneq: Ilinniagaqarnersiutit

Ilinniarnertuunngorniarneq tassaavoq inuusuttunut atuagarsorluni ilinniarneq ulluinnarni GUX-mik taaneqartartoq.

GUX-imi ilinniarneq ukiuni pingasuni ingerlanneqartarpoq.  

Ilinniarneq ilinniarfinnut qaffasinnerusunut ingerlaqqinnissamut Kalaallit Nunaanni avataanilu periarfissiivoq.

Sooq GUX toqqarneqassava?

GUX tassaavoq Ilinniarfinnut qaffasinnerusunut ilinniarnertuutullu soraarummeersimanissamik piumasaqarfiusunut ilinnialernissamik qinnuteqarnissat pilersaarutigigukku aqqusaaqqaartariaqakkat.

GUX assigiinngitsunik sammivilinnik ilinniarnerup ingerlanneqarsinnaaneranik neqerooruteqarpoq ilinniagassamut soqutigisannut angorusutannullu naleqqussakkanik. 

Ilinniakkami sammiviit assigiinngitsut annertunerusumik paasisaqarfigikkit uani.

Ilinniarnertuunngorniarluni ulluinnarni inuuneq

Ilinniarnertuunngorniarlutit ilinniartutut ulluinnarni inuunerisat meeqqat atuarfianni atuartuunerpit nalaani ullorisannut naleqqiutissagukku ilimagisariaqarpat allaanerussasoq.

GUX-imi atuagarsornikkut piumasaqaatit annertunerupput aamma imaassinnaavoq illoqarfimmut allamut nuuttariaqassasutit.  

Tamatuma nassatarissavaa inunnik nutaarpassuarnik naapitsinissat aammalu nutaanik ikinngutitaartornissat, aammattaarli ilikkagassatigut piumasaqaatit qaffasinnerunerannik misigisaqartarsinnaassaatit.

Paasissutissanik ilinniarnermik aallartitaqarnermut tunngasunik uani takusaqarsinnaavutit Ilinniartutut inuuneq.

Tassani aammma ilinniartuulluni ulluinnarisamut tunngasunik paasisaqarsinnaavutit.