Aqqutissiuisutut tunngaviusumik ilinniarneq

Ilinniartitaanermut immikkoortup ilinniartitaanermut-, inuussutissarsiutnut-, atorfinnilu angusassanut tunngasunik suliaqaruit, ilinnut Aqqutissiuisut Ilinniarneq (VGU) neqeroorutigivaa.

Kalaallit Nunaanni aqutissiuinermut aaqqissuussat pitsanngorsaaqataaffigalugillu ineriartorteqqinneqarnissaanut suleqataasinnaanngorluni aqqutissiuisup piginnaasaqalernissaa Ilinniartitseqinnerup peqataaffigisussaavaa, kiisalu najungarisami nunallu immikkoortortaani attaveqarfinnik pilersitsillunilu aserfatsaaleeqataassinnaalissalluni.  

Sullinniakkat 

Kikkulluunniit meeqqanik, inuusuttunik inersimasunillu iliniagaqarnikkut, inuussutissarsiornikkut suliffimmiluunniit anguniagassat pillugit aqqutissiuussinermik suliaqartut Aqqutissiuisutut Tunngaviusumik Ilinniarneq atorsinnaavaat. Ataasiakkaaraluni nalilersuineq toqqammavigalugu ilinniartussanik tigooqqaasoqartarpoq. Qinnuteqartup ilinniakkamik inuussutissarsiornermut toqqammaviusumik  imaluunniit ilinniagaqalernissamut piginnaatitsisumik naammassisaqarsimanissaa pingaartinneqarpoq, pappiaqqatigullu ilinniakkamut attuumassutilimmik inuuusutissarsiornikkut piginnaasaqarnerminik takussitissisinnaanera piumasaqaataavoq.

Ilinniartullu qarasaasiamik internetimut attaveqarsinaasumik atuisinnaanera ilinniartitaanermi aamma piumasaqaataavoq. Aqqutissiuisutut Ilinniarnermik naammassinninneq VGU´p ilinniarnermi ingerlaqqittumik ingerlatsinissamut periarfissiissutaanut ilinniaqqinernulluunniit allanut isissutissatut atorsinnaavoq.

Ilinniarnerup ingerlanera

Ilinniarneq nikerartumik ukiumi ataatsimi, ilinniartitsinerup agguataarnerini sisamani sapaatit akunnera missaliorlugu sivisussusilinni, ingerlanneqartarpoq. Taakkununngalu ilanngullugu ilinniartup immikkoortoq soraarummeerutaasoq ullunik marlunnik sivisussusilik naammassissussaavaa. Tunngaviusumik ilinniarnerup naammassereerneratigut ingerlaqqinnissamut immikkoortut allat aallartinneqarsinnaapput.

Oqaatsit

Maannakkorpiaq aqqutissiuinermik ilinniakkami atuartitsineq ilinniartitsisunik qallunaanik kalaallinillu ingerlanneqarpoq. Atuartitsinermi atortut kalaallisut allassimasut killimmik pigineqarput, atuakkallu atorneqartut qallunaatuuinnaat pigineqarlutik.

Nalunaarfissaq  

VGU 2017-2018-mut ilanngukkumallutit immersugassaq uanittoq atorlugu nalunaarsinnaavutit.

Ilinniagaqarnermut aaqqissuussineq, atuakkat allattorsimaffii il.il. 

VGU pillugu
Ilinniagaqarnermik aaqqissuussineq
VGU´p  pilersaarutai 2016-2017
Atuakkat allattorsimaffiat
Soraarummeernissamut ilitsersuut