Sulisut

Ilinniartunik siunnersuisarfiup saniatigut Nuna Tamakkerlugu Ilitsersuisarfik arfinilinnik sulisoqarpoq.

Else Poulsen, Pisortaq

 

Else tarnip pissusiinik ilisimasalittut Århusip Universitetiani ilinniarsimavoq Kujataatalu Ilinniarnertuungorniarfiani Qaqortumiittumi rektoriulluni. Tarnip pissusiinik ilisimasalittut rektoritullu sulinermigut ilinniartitaanerup aaqqissuussaanera annertuumik ilisimasaqarfigivaa, ilinniarfinni inuussutissarsiutinullu tunngasunik,  tarnikkut inoqatigiinnikkullu siunnersuinermik suliaqarluni ingerlatsisimavoq.

E-mail: elpo@aqqut.gl

Tarnip pissusiinik ilisimasalinni pisortaq - Inuttaqanngikkallarpoq

Beth Krogh, Ilinniartitaanernut pisortaq

Beth ilinniartitaanernut pisortaavoq ilitsersuisunngornianillu ilinniartitsisuulluni. Kalaallit Nunaanni NVL (ilitsersuinernut attaveqatigiiffik) sinniisuuffigivaa, nittartagarlu ”ilitsersuisut isertarfiat” aaqqissuisuuffigalugu. Ilitsersuisartutut CVU-Sønderjyllandimi ilinniarsimavoq ”Qinigassat qinerseriaatsillu” PG-mik angusiffigisimallugu immikkoortuanilu allagartaqarluni. Beth Niuernermik Ilinniarfimmi siunnersuisutut faglæreritullu atorfeqarsimavoq. CVG-mi - januarillu aallaqqaataani 2014-imi Nuna Tamakkerlugu Ilitsersuisarfimmut atalersumi - pisortatut 2014-imi atorfinitsinneqarpoq.

E-mail: bekr@aqqut.gl

Najaaraq Eliassen, Allafimmi pisortaq 

Najaaraq HK-mut tunngasumik ilinniagaqarpoq tunngaviusumillu aqutsinermik inatsisitigoortumillu suliaqartartutut ilinniaqqissimalluni, Najaaraq Kommune Kujalliup aningaasarsarsialeriffiani overassistentitut kingornalu sulisoqarnermut tunngasunik sulialittut atorfeqarsimavoq, Nuumilu Ankenævnimi (Inunnik isumaginnermi/Ineqarnermullu tunganut maalaartarfimmi) immikkoortortami pisortatut sulisimavoq. Najaaraq junip aallaqaataani 2014-imi Nuna Tamakkerlugu Ilitsersuisarfimmi allaffimmi pisortatut atorfinitsinneqarpoq.

E-mail: nael@aqqut.gl

Kistâra Motzfeldt Vahl, Aqqutissiuisoq NVl-imilu ataqatigiissaarisoq

Aqqutissiuisunut aqqutissiuisuuvoq, Kalaallit Nunaanni aamma  Danmarkimi ilinniakkat pillugit aqqutissiuisuulluni. Atortussanik ineriartortitsinermik suliaqarpoq, aqqutissiuisullu tunngaviusumik ilinniartitaanerannut immersuutinik tunioraasuulluni, ilinniakkallu  assigiinngitsut pillugit attaveqatigiittarnernik suliaqarluni. Kalaallillu Nunaanniik Nunani Avannerlerni Inersimasunik ilinniartitsivimmut (NVL) attaveqaataalluni, NVL-illu Kalaallit Nunaanni suliai pillugit paasissutissanik ataqatigiissaarisuulluni. Ilisimatusarfimmi Kalaallisut Cand.Mag.-itut ilinniarsimavoq, Aqqutissiuisutullu tunngaviusumik ilinniagaqarluni Aqqutissiuinermilu Masteritut ilinniarnermik Århusip Universitetiani ingerlataqarluni. Sulinermini ilaatigut misilittagaqarfigai: Højskolimi ilinniartitsisutut, ilinniarnertuunngorniafimmi Adjunktitut, ilinniakkanut ilisimasalittut siunnersuisuuneq, HR-imut tunngasunik siunnersuineq, aallarnisaasutut. Nuna tamakkerlugu Ilitsersuisarfimmi januarip aallaqqaataaniik 2014-imi atorfinippoq. 

E-mail: kiva@aqqut.gl

Ane Karina Poulsen, Aqqutissiuisoq aamma ilinniartitsisoq

Ane Karina Aqqutissiuisutut Ilinniakkami (VGU-mi) 2009-mi aqqutissiuisutut ilinniagaqarpoq, ilinniakkallu ilassutai marluk, Overgangsvejledning 2201-imi aamma Karrierevejedning 2012-imi ingerlallugit. Siusinnerusukkut Narsami Piareersarfimmi ukiuni arfineq marlunni aqqutissiuisutut sulereersimavoq. Ane Karina Poulsen aprilip aallaqqaataani 2014-imi Nuna tamakkerlugu Ilitsersuisarfimmi atorfinippoq, tassanilu ilaatigut aqqutissiuisutut ilinniarnermi ataqatigiissaarisutut atuartitsisutullu sulilluni. Saniatigullu attaveqatigiinernut attuumasunik ineriartortortitsinermillu suliaqarneq annertuumik ulluinnarni sulineranut ilaallutik.

E-mail: akpo@aqqut.gl