Nunanut allanukarusuppit?

Nunani Avannarlerni nunaniluunniit allani ilinniarnertuunngorniarsinnaavutit.

Nunat Avannarliit

Kalaaliullutit Danmarkimi naalagaaffimmut innuttaassuseqarputit, taamaammallu Nunani Avannarlerni innuttaasut allat assigalugit Nunani Avannarlerni (Norge, Sverige, Finland, Savalimmiut Island) inuutissarsiummik ilinnialerumallutit qinnuteqarsinnaavutit.

Nunani Avannarlerni ilinniakkat amerlanertigut Dammarkimisulli akeqartanngillat. Ilinniagaqarnersiutivit Nunat Avannarliit ilaannut ilinniarniarlutit nassarnissaat qiunnuteqaatigisinnaavat. Paasissutissat annertunerusut takukkit uani.

Nunani Avannarlerni inuutissarsiutinik ilinniakkat assigiinngitsuupput, taakkulu pillugit annertunerusumik paasissutissat takusinnaavatit uani: www.norden.org.                                           

Nunat allat

Nunani allani (Nunatta, Danmarkip Nunallu Avannarliit avataanni) ilinniarneqarsinnaasut assigiinngitsut amerlaqaat. Tamaani amerlanertigut ilinniakkat Nunatsinnisut, Danmarkimisut Nunanilu Avannarlernisut pinnatik akeqartarput.

Namminersorlutik Oqartussat akileeqqaarluni ilinniakkani taamaattuni ilinniarnissamut tapiineq ajorput, kisianni periarfissaqarputit akileeqqaarluni ilinniakkamut tapiiffigeqqullutit immikkut akuerineqarnissamik qinnuteqarnissamut. Piumasaqaatit qanorlu iliorluni immikkut akuerineqarnissaq qinnutigineqarsinnaanersoq atuakkit uani.

Nunani allaniinneq imaluunniit nunani allani sungiusarluni sulineq

Lærlingitut ilinniartuuguit nunanut allanut paasisassarsiorlutit imaluunniit sungiusarlutit suliartorlutit angalasinnaavutit.

Ilinniarfigisat nunani allani ilisimatusarfinnik ilinniarfinnilluunniit immikkut isumaqatigiissuteqarsinnaavoq, angalasinnaaninnik periarfissiisunik.

Ilinniarfinni aqqutissiuussisoq oqaloqatigiuk, periarfissat ersarinnerusut paasiniarlugit.