Danmarkiliarusuppit?

Kalaaliullutit Danmarkimi naalagaaffimmut innuttaassuseqarputit, taamaammallu Danmarkimi ilinniarnissat qinnuteqaatigisinnaavat.

Kissaatigigukku Danmarkimi inuutissarsiummik ilinniarsinnaavutit.

Piviusut:

  • Qinnuteqarfissap killinga: 1. marts
  • Aningaasaqarneq: Danmarkimi SU
  • Paasissutissat: www.ug.dk

Danmarkimi iIinniarneqarsinnaasorpassuit assigiinngitsut uani takukkit: www.ug.dk.

Aamma immikkut atugassaqartitaalluni inuutissarsiummik ilinniakkat arlaqartut tapiiffigineqarsinnaapput. Uani takukkit

Sungiusarluni sulineq

Danmarkimi inuutissarsiummik ilinniarumallutit qinnuteqarsinnaavutit sungiusarlutit suliffissamik isumaqatigiissuteqanngikkaluarlutit. Sungiusarlutit sulinissat nallilerpat sungiusarlutit suliffissannik nassaarsimanngikkuit paarlaallugu ilinniarfimmi sungiusarlutit sulissaatit. Taamaattoq inuutissarsiummik ilinniakkat ilaat ilinniarfimmiiutigaluni sungiusarluni sulinissamik neqeroortanngillat, taamaammallu ilinniagaq aallartitsinnagu sungiusarlutit suliffissannik isumaqateqareertariarputit. Annertunerusumik paasisassarsiorsinnaavutit uani: www.ug.dk imaluunniit Danmarkimi Kalaallit Illuini ilitsersorneqarlutit.

Ilinnialernissamut piumasaqaatit

Danmarkimi inuutissarsiummik ilinnialissaguit makku piumasaapput:

  • Nunatsinni Danmarkimiluunniit (9. kl angullugu) meeqqat atuarfiata naammassisimanissaa
  • Ilinniarnissamut pilersaarut immersorsimassavat.

Ilnniarnissamut pilersaarut piniarukku najukkanni Majoriaq saaffigissavat.

Danmarkimi inuutissarsiummik ilinniakkanut piumasaqaatit immikkut ittut malugniartariaqarpatit, taakkulu uani takusinnaavatit: www.ug.dk.

Qinnuteqaat

Danmarkimi inuutissarsiummik ilinnialerniarlutit qinnuteqarniaruit immersugassaq immersussavat, taannalu uaniippoq: www.optagelse.dk.

Inuutissarsiummik ilinniakkat qinnuteqarnissamut killingititaat assigiinngillat, tak.: www.ug.dk imaluunniit ilinniarfik ilinnialerfigiumasat attaveqarfigiuk.

Aningaasaqarneq

Danmarkimi inuutissarsiummik ilinniagaqarniaruit Danmarkimi SU qinnutigissavat. Paasissutissat takusinnaavatit uani aamma uani: www.su.dk

Danmarkimi ilinniartutut inuuneq

Danmarkimi inuutissarsiummik ilinniarnissaq toqqarsimagukku aallartinnak eqqaamasassatit arlaqarput. Uani annertunerusunik atuagassaqarpoq: Studieliv.