Saaffiginnittarfinni takornarianillu kiffartuussivinni sullissisoq

Akunnittarfinni neriniartarfinnilu ulluinnarni ingerlatsinermik soqutigisaqarpit, saaffiginnittunillu sullissineq nuannaraajuk?

Ilinniakkap normua: 233511

 

Piviusut

  • Sivisussusaa: uk. 2 qaammatillu 6
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Inuili, Narsaq / Campus Kujalleq, Qaqortoq
  • Paasissutissat: www.inuili.gl / www.cak.gl

Saaffiginnittarfinni takornarianillu kiffartuussivinni sullissisutut ilinniakkami akunnittarfeqarnerup neriniartarfeqarnerullu iluanni sullissinerit assigiinngitsut aaqqissuunnissaat ingerlannissaallu ilinniassavatit.

Ilinniassavatit tunngaviusumik immikkullu ittumik eqqiaaneq, ininik aamma ataatsimiittarfinnik piareersaaneq, ullaakkorsiutinik sassaalliineq, unnuisunik sullissanillu sullissineq aamma unnuisarfinni, neriniartarfinni takornariqarnermilu nalinginnaasumik sullissinermi suliat.

Ilinniarnerup ingerlanera

Iliniarnermi sungiusarluni sulineq ilinniarfimmiinnerillu sisamat paarlakaapput. Iliniarfimmiinnerit siulliit marluk tunngaviusumik ingerlatsinerusut Inuilimi pissapput. Ilinniarneq pingaarneq siulleq Qaqortumi NI-mi ingerlanneqassaaq, aappaalu Inuilimiilluni

.

Ilinnialernissamut piumasaqaatit qinnuteqarnerlu          

Ilinnialissagaanni piumasaqaatit makkuupput:

  • Meeqqat atuarfianni inaarutaasumik misilitsissimanissaq (FA) kalaallit, qallunaat tuluillu oqaasiini aamma kisitsinermi/matematikkimi minnerpaamik 6 (karakterskala pisoqaq naapertorlugu) imaluunniit E (GGS-skala naapertorlugu) karakteereralugit, ukiumoortumik karakteeritut misilitsinnermilu karakteeritut.

imaluunniit

  • Meeqqat atuarfianni malittarisassat pisoqqat malillugit inaarutaasumik misilitsissimanissaq agguaqatigiissitsinermi 7 karakteereralugu (FSA) 
    imaluunniit
  • Majoriami (Piareersarfik) FA mi: skala pisoqaq malillugu 6 skalalu nutaaq (GGS-skala) malillugu E karakteereralugu.

Ilinnialernissamut piumasaqaatit qulaaniittut naammassisimanngikkukkit tamakkiisumik naliliineq tunngavigalugu ilinnialernissat qinnutigisinnaavat.


 

 

 

 

Siunissami periarfissat

Akunnittarfeqarfinni neriniartarfeqarfinnilu saaffiginnittarfimmi sullissisutut sulilersinnaavutit, imaluunniit akunnittarfeqarnerup neriniartarfeqarnerullu iluani akademiøkonomitut ilinniaqqissinnaallutit.

Aningaasaqarneq

Ilinniarnerit tamaat lærlingitut akissarsiaqassaatit. Annertunerusumik paasisaqarit uani.

Attavissaq

Inuili
Tlf.: +299 66 13 13
E-mail: Inuili@inuili.com

Imaluunniit: 

Campus Kujalleq
Tlf.: +299 64 23 99
E-mail: cak@cak.gl