Saaffiginnittarfimmi sullissisoq (receptionist)

Akunnittarfinni neriniartarfinnilu ulluinnarni ingerlatsinermik soqutigisaqarpit, saaffiginnittunillu sullissineq nuannaraajuk?

Ilinniakkap normua: 222031

 

Piviusut

  • Sivisussusaa: uk. 2 qaammatilu 4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Inuili, Narsaq
  • Paasissutissat: www.inuili.gl

Saaffiginnittarfinni sullissisutut ilinniakkami saaffiginnittarfinni sulineq ilisimasaqarfigilissavat, aamma saaffiginnittut unnuisullu sullinnissaat piginnaaneqarfigilissavat.

Aamma saaffiginnittarfimmi qarasaasiakkut atortut nalinginnaanerpaat nammineerlutit sungiussisimasumillu atornissaat ilinniassaavat.

Ilinniarnerup ingerlanera

Iliniarnermi sungiusarluni sulineq ilinniarfimmiinnerlu paarlakaapput. Iliniarfimmiinnerit siulliit marluk Inuilimi pisarput, kingulliillu marluk (tamarmik sap.ak.-nik 10-nik sivisussuseqartut) Food College Aalborgimi pissallutik.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfianni inaarutaasumik misilitsissimanissaq (FA) kalaallit, qallunaat tuluillu oqaasiini aamma kisitsinermi/matematikkimi minnerpaamik 6 (karakterskala pisoqaq naapertorlugu) imaluunniit E (GGS-skala naapertorlugu) karakteereralugit, ukiumoortumik karakteeritut misilitsinnermilu karakteeritut.
    imaluunniit
  • Meeqqat atuarfianni malittarisassat pisoqqat malillugit inaarutaasumik misilitsissimanissaq agguaqatigiissitsinermi 7 karakteereralugu (FSA) 
    imaluunniit
  • Majoriami (Piareersarfik) FA mi: skala pisoqaq malillugu 6 skalalu nutaaq (GGS-skala) malillugu E karakteereralugu.

Ilinnialernissamut piumasaqaatit qulaaniittut naammassisimanngikkukkit tamakkiisumik naliliineq tunngavigalugu ilinnialernissat qinnutigisinnaavat.


 

 

 

 

Siunissami periarfissat

Saaffiginnittarfimmi sullissisutut akunnittarfeqarfinni neriniartarfeqarfinnilu sulilersinnaavutit imaluunniit akunnittarfeqarnerup neriniartarfeqarnerullu iluani akademiøkonomitut ilinniaqqissinnaallutit.

Aningaasaqarneq

Ilinniarnerit tamaat lærlingitut akissarsiaqassaatit. Annertunerusumik paasisaqarit uani.

Attavissaq

Inuili
Tlf.: +299 66 13 13
E-mail: Inuili@inuili.com