Savaatilik

Nunatsinni nerisassanik imminut pilersornermut peqataarusuppit?

Ilinniakkap normua: 262031

 

Piviusut

  • Sivisussusaa: uk. 3
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit
  • Ilinniarfik: Upernaviarsummi Nunalerinermik Ilinniarfik, Qaqortoq
  • Paasissutissat: www.nunalerineq.gl

Savaatilik neqinik naatitanillu tunisassiortarpoq, annermik savat neqaanik. Savaateqarneq Nunatsinni nerisassanik imminut pilersugariniarnermut pingaaruteqarpoq.

Ilinniarnerup ingerlanera

Ilinniarneq ukiunik pingasunik sivisussuseqarpoq, tassungalu ilaapput Upernaviarsummi atuagarsorneq aamma Nunatsinni Island/Norgimilu sungiusarluni sulineq. Ingerlarnga imaassinnaavoq:

  • Nunatsinni savaatilimmi qaammatini pingasuni sungiusarluni sulineq (august – oktober)
  • Ukioq ataaseq Upernaviarsummi ilinniaatigaluni sungiusarluni sulineq (november – oktober)
  • Islandimi Norgimiluunniit ukioq ataaseq sungiusarluni sulineq (november – august), oqaatsinik ilinniarneq ilanngullugu 
  • Ukioq ataaseq Norgimi Islandimiluunniit nunaatilinnut ilinniarfimmiinneq (august – maj)
  • Upernarviarsummi inaarutaasumik suliniut (projekt) - junimi.

Nunami allami nunalerinermik ilinniarfimmiinnissaq siunertaralugu oqaatsitigut pisinnaasat pitsanngorsarniarlugit Islandimi/Norgimi sungiusarluni sulinerup sivitsornissaa periarfissaqarpoq.

Aamma ilinniarnerup ukiua kingulleq kalaallisut naggaserneqarsinnaavoq immikkut Upernarviarsummiinnikkut.

Ilinnialernissamut piumasaqaatit qinnuteqarnerlu

Ilinniartunngussaguit 17-inik ukioqalersimassaatit.


 

 

 

  

Siunissami periarfissat

Savaatilittut ilinniakkat naammassigukku nunalerinermi sulilersinnaavutit.

Aningaasaqarneq

Ilinniarneq tamaat ilinniagaqarnersiuteqarnissat qinnutigisinnaavat. Annertunerusumik paasisaqarit uani.

Attavissaq

Upernaviarsuk
Tlf.: +299 649 326
E-mail: info@nunalerineq.gl