Terminalarbejderi

Teknologi nutaaq aamma pilersaarusiorneq (logistik) soqutigivigit?

Ilinniakkap normua: 202121

 

Piviusut

  • Sivisussusaa: uk. 3
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Sisimiut
  • Paasissutissat: www.kti.gl

Terminalarbejderitut ilinniakkami ilinniassavat teknologiimik atuinissaq aamma maskiinat, terminalit, umiarsuit timmisartullu paasisaqarfigalugit minnerunngitsumillu tulleriittunik angallasseqatigiinni pilersaarusiorneq (logistik).

Ilinniarninni biilernermut, truckernermnut, kranilerinermut, usinillu ulorianartunik suliaqarsinnaanermut pikkorissarfigisannilu allani allagartartaassuutit – sungiusarlutit suliffiinni sulinissamut pisariaqartunik.

Sungiusarluni sulineq

Ilinnialissagaanni piumasaqaataavoq sungiusaarlutit suliffissarsisimanissat. Sungiusarfissarsinissat nammineq akisussaaffigivat, kisianni qitiusumik ilinniarfik najukkanniluunniit inuutissarsiutinik ilinniarfik ikioqqullutit attavigisinnaavatit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.     

Ilinniarnerup ingerlanera

Terminalarbejderitut ilinniarnermi sungiusarluni sulinerit ilinniarfimmiinnerillu paarlakaattarput. Tunngaviusumik ilinniarnermi ilinniarfimmiinnerit sapaatip-akunnerinik 8+12-inik sivisussuseqarput (taaneqartarlutik GF1 aamma GF2). Pingaarnertut ilinniarneq (taaneqartartut H1, H2 aamma H3) katillugit sapaatip-akunnerinik 29-nik sivisusseqarput.

Ilinniarfimmiilluni ilinniarneq pingasunik immikkut ilinniarfiuvoq, aamma ilinniakkap ilaatut quersuarmi ikiortitut piginnaaneqartoqalertarpoq:

  • Umiarsualivimmi terminalarbejderi, Saviminilerinermik Ilinniarfimmi ingerlanneqartartoq
  • Mittarfimmi terminalarbejderi, Saviminilerinermik Ilinniarfimmi ingerlanneqartartoq
  • Quersuarmi transportoperatøritullu ilinniagaq, tassani ilinniarfimmiinnerit Damarkimi ilinniarfinni ingerlanneqartarput.

Quersuarmi ikiortitut ilinniagaqaruit ilinniarnerit ukiup aappaa affaq ingerlassinnaavat.

Ilinnialernissamut piumasaqaatit qinnuteqarnerlu

Ilinnialernissamut makku piumasaqaataapput:

  • Meeqqat atuarfianni 11. klassimi inaarutaasumik misilitsissimanissaq qallunaat oqaasiini minnerpaamik 6, matematikkimi 7, fysikkimi 6 tuluillu oqaasiini 6 karakteereralugit imaluunniit assingusunik piginnaaneqarnissaq
    imaluunniit
  • Meeqqat atuarfianni 10. klassersimanissaq qallunaat oqaasiini minnerpaamik E, matematikkimi D, fysikkimi E tuluillu oqaasiini E karakteereralugit imaluunniit assingusunik piginnaaneqarnissaq.

Aamma uku piumasaapput:

  • Ilinniarnerup aallartinnginnerani 17½-inik ukioqalereersimassaatit, GF1-ip naalernerani biilernermut allagartartaarniassagavit.
  • Sungiusarlutit sulinissamik isumaqatigiissuteqariissaatit
  • Pinerluuteqarsimannginnermut uppernarsaateqassaatit

 


 

 

 

  

Siunissami periarfissat

Terminalarbejderitut sulilersinnaavutit imaluunniit quersuarmi angallassinermilu sulisutut imaluunniit angallassinermi pilersaarusiortutut (transportlogistikeritut) ilinniaqqissinnaallutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl