Quersuarmi ikiorti (lagermedhjælper)

Angallassinermik, quersualerinermik siammaassinermillu suliaqarusuppit?

Ilinniakkap normua: 202243

 

Piviusut

  • Sivisussusaa: uk. 1½
  • Qinnuteqarfissap killinga: 1. marts
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Sisimiut
  • Paasissutissat: www.kti.gl 

Quersuarmi ikiortip tunngaviusumik ilinniartarpai angallassineq, quersualerineq siammaassinerlu. Nioqqutissanik tigooqqaaneq puuiaanerlu ilinniassavatit, naatsorsuilluni kisitsinerit, nioqqutissanik nalunaarsuineq allagartalersuinerlu kiisalu inissitsitsinerineq aamma ilinniassallugit.

Nioqqutissanik angallassinermi atorneqartarput varevognit, transportvognit aamma containerit angallassisutillu matoqqasut, palle-nik kivitsissutit aamma gaffeltruck-it. Atortut taakku suleriaatsillu ilinniassavatit. Quersuarmi ikiortit tamarmik gaffeltruckerneq biilernerlu ilinniartarpaat imaluunniit varevogninik 3500 kg angullugit oqimaassusilinnik ingerlatsineq (kategori B), taamatullu lastbilinik (kategori C) ingerlatsineq ilinniartarlugu.

Sungiusarluni sulineq

Ilinnialissaguit sungiusarlutit suliffissarsisimasariaqarputit. Sungiusarlutit suliffissarsinissat nammineq akisussaaffigivat, kisianni qitiusumik ilinniarfik najukkannilu inuutissarsiutinik ilinniarfik attavigilluarsinnaavatit ikioqqullutit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.     

Ilinniarnerup ingerlanera

Ilinniarnermi sungiusarluni sulinerit ilinniarfimmiinnerillu paarlakaattarput. Tunngaviusumik ilinniarnermi ilinniarfimmiinnerit sapaatip-akunnerinik 8+12-inik sivisussuseqarput (taaneqartarlutik GF1 aamma GF2). Pingaarnertut ilinniarneq (taaneqartartoq H1) sapaatip-akunnerinik sisamanik sivisusseqarpoq.

Ilinniarfimmiinneq ukiuni pingasuni quersuarmi angallassinermilu sulisutut ilinniarnermi killiffiusinnaavoq, Saviminilerinermillu Ilinniarfimmi pisarluni.            

Ilinnialernissamut piumasaqaatit qinnuteqarnerlu

Ilinnialernissamut makku piumasaqaataapput:

  • Meeqqat atuarfianni 11. klassimi inaarutaasumik misilitsissimanissaq qallunaat oqaasiini minnerpaamik 6, matematikkimi 7, fysikkimi 6 tuluillu oqaasiini 6 karakteereralugit imaluutnniit assingusunik piginnaaneqarnissaq
    imaluunniit
  • Meeqqat atuarfianni 10. klassersimanissaq qallunaat oqaasiini minnerpaamik E, matematikkimi D, fysikkimi E tuluillu oqaasiini E karakteereralugit imaluunniit assingusunik piginnaaneqarnissa

Aamma uku piumasaapput:

  • Ilinniarnerup aallartinnginnerani 17½-inik ukioqalereersimassaatit, GF1-ip naalernerani biilernermut allagartartaarniassagavit.
  • Sungiusarlutit sulinissamik isumaqatigiissuteqariissaatit
  • Pinerluuteqarsimannginnermut uppernarsaateqassaatit

 

 

 

 

Siunissami periarfissat

Quersuarmi ikiortitut sulilersinnaavutit imaluunniit quersuarmi angallassinermilu sulisutut kiisalu angallassinermik pilersaarusiortutut (transportlogistiker) ilinniaqqissinnaallutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl