Quersuarmi angallassinermilu sulisoq (lager- og transportarbejder)

Quersuarmi angallassinermilu suliassat isumaginissaat nuannarivigit?

Ilinniakkap normua: 202241

 

Piviusut

  • Sivisussusaa: uk. 3
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Sisimiut
  • Paasissutissat: www.kti.gl

Quersuarmi angallassinermilu sulisutut ilinniassavatit poortugassat angallatassat poortornissaat, angallassinermik immikkoortortaqarfiit, biilinik angallassisartut nassiussalerisullu attaviginissaat.

Assersuutigalugu qarasaasiakkut allaffissornermi programmit, pisianik, tunisanik piniakkanillu nalunaarsuiffiusut aamma quersuarmi uninngasunik angallassinermillu aqutsinermut atorneqartartut.

Ilinniartinneqassaatit varevognit, transportvognit aamma containerit angallassisutillu matoqqasut, palle-nik kivitsissutit aamma gaffeltruckit atornissaannik.

Saniatigut ilinniassavatit gaffeltruckerneq biilernerlu imaluunniit varevogninik 3500 kg angullugit oqimaassusilinnik ingerlatsineq (kategori B), taamatullu lastbilinik (kategori C) ingerlatsineq, kiisalu nunarsuarmi tamarmi angallassinermut malittarisassat ilinniassallugit.

Sungiusarluni sulineq

Ilinnialertinnak nammineerlutit sungiusarlutit suliffissarsisimasariaqarputit. Sungiusarfissarsinissat nammineq akisussaaffigivat, kisianni qitiusumik ilinniarfik najukkanniluunniit inuutissarsiutinik ilinniarfik ikioqqullutit attavigisinnaavatit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.     

Ilinniarnerup ingerlanera

Quersuarmi angallassinermilu sulisutut ilinniarnermi ilinniarfimmiinneq sungiusarluni sulineq paarlakaapput. Tunngaviusumik ilinniarnermi ilinniarfimmiinnerit sapaatip-akunnerinik 8+12-inik sivisussuseqarput (taaneqartarlutik GF1 aamma GF2). Pingaarnertut ilinniarnermi ilinniarfimmiinnerit pingasuusut katillugit sapaatip-akunnerinik 29-nik sivisussuseqarput.

Ilinniarfimmiilluni ilinniarneq pingasunik immikkut ilinniarfiuvoq:

  • Quersuarmi angallassinermilu sulisutut (lager- og transportarbejder) ilinniagaq Saviminilerinermik Ilinniarfimmi ingerlanneqartartoq
  • Quersuarmi produktionsoperatøritullu ilinniagaq, ilinniarfimmiinnertaa Danmarkimi ingerlanneqartartoq
  • Quersuarmi pilersaarusiortutullu (lager- og logistikoperatør) ilinniagaq, ilinniarfimmiinnertaa Danmarkimi ingerlanneqartartoq.

Ilinnialernissamut piumasaqaatit qinnuteqarnerlu

Ilinnialernissamut makku piumasaqaataapput:

  • Meeqqat atuarfianni 11. klassimi inaarutaasumik misilitsissimanissaq qallunaat oqaasiini minnerpaamik 6, matematikkimi 7, fysikkimi 6 tuluillu oqaasiini 6 karakteereralugit imaluutnniit assingusunik piginnaaneqarnissaq
    imaluunniit
  • Meeqqat atuarfianni 10. klassersimanissaq qallunaat oqaasiini minnerpaamik E, matematikkimi D, fysikkimi E tuluillu oqaasiini E karakteereralugit imaluunniit assingusunik piginnaaneqarnissa

Aamma uku piumasaapput:

  • Ilinniarnerup aallartinnginnerani 17½-inik ukioqalereersimassaatit, GF1-ip naalernerani biilernermut allagartartaarniassagavit.
  • Sungiusarlutit sulinissamik isumaqatigiissuteqariissaatit
  • Pinerluuteqarsimannginnermut uppernarsaateqassaatit

 


 

 

 

 

Siunissami periarfissat

Quersuarmi angallassinermilu sulisutut suliffinni quersualerinermik angallassinermillu ingerlatsiviusuni sulilersinnaavutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl