Nussugassalerisoq (flyttearbejder)

Angallassineq nussugassanillu suliaqarneq nuannarivigit?

Ilinniakkap normua: 200011

 

Piviusut

  • Sivisussusaa: uk. 1½
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Sisimiut
  • Paasissutissat: www.kti.gl

Nussugasalerisutut ilinniakkami ilinniassavatit poortugassat angallatassat poortornissaat, angallassinermik immikkoortortaqarfiit, biilinik angallassisartut nassiussalerisullu attaviginissaat. Angallassinermi atorneqartarput varevognit, transportvognit aamma containerit angallassisutillu matoqqasut, palle-nik kivitsissutit aamma gaffeltruck-it

Gaffeltruck-inik biilinillu nalinginnaasunik imaluunniit varevogninik 3500 kg inorlugit oqimaassusilinnik (kategori B) kiisalu lastbiilinik (kategori C) ingerlatsineq ilinniassavat. Aamma usinik nunarsuaq tamakkerlugu angallassinermut atatillugu malittarisassat ilinniassavatit.

Saniatigut ilinniassavatit angerlarsimaffinni pigisat nalinginnaasut imminut ajoqusernak aamma pigisat avatangiisillu ajoqusernagit naterni manissuni, tummeqqani, biilini nuulernermi atortakkani aamma aqqutini amitsuni suliarinissaat.

Sungiusarluni sulineq

Ilinnialissaguit sungiusarlutit suliffissarsisimasariaqarputit. Sungiusarlutit suliffissarsinissat nammineq akisussaaffigivat, kisianni qitiusumik ilinniarfik najukkanilu inuutissarsiutinik ilinniarfik attavigilluarsinnaavatit ikioqqullutit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.     

Ilinniarnerup ingerlanera

Nussugassalerisutut ilinniarnermi ilinniarfimmiinnerit sungiusarlunilu sulinerit paarlakaapput. Tunngaviusumik ilinniarnermi ilinniarfimmiinnerit sapaatip-akunnerinik 8+12-inik sivisussuseqarput (taaneqartarlutik GF1 aamma GF2). Pingaarnertut ilinniarneq (taaneqartartoq H1) sapaatip-akunnerinik sisamanik sivisusseqarpoq. Ilinniarfimmiinnerit katillugit sapaatip-akunnerinik 24-nik sivisussuseqarput.

Ilinnialernissamut piumasaqaatit qinnuteqarnerlu

Ilinnialernissamut makku piumasaqaataapput:

  • Meeqqat atuarfianni 11. klassimi inaarutaasumik misilitsissimanissaq qallunaat oqaasiini minnerpaamik 6, matematikkimi 7, fysikkimi 6 tuluillu oqaasiini 6 karakteereralugit imaluunniit assingusunik piginnaaneqarnissaq
    imaluunniit
  • Meeqqat atuarfianni 10. klassersimanissaq qallunaat oqaasiini minnerpaamik E, matematikkimi D, fysikkimi E tuluillu oqaasiini E karakteereralugit imaluunniit assingusunik piginnaaneqarnissaq

Aamma uku piumasaapput:

  • Ilinniarnerup aallartinnginnerani 17½-inik ukioqalereersimassaatit, GF1-ip naalernerani biilernermut allagartartaarniassagavit.
  • Sungiusarlutit sulinissamik isumaqatigiissuteqariissaatit
  • Pinerluuteqarsimannginnermut uppernarsaateqassaatit

 

 

 

 

Siunissami periarfissat

Nussugassalerisutut ilinniagaqaruit assersuutigalugu nussugassanik suliffinni sulilersinnaavutit. Aamma terminalarbejderitut imaluunniit quersuarmi ikiortitut ilinniaqqissinnaavutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl