Eqqaanermi teknikeri (affaldstekniker)

Eqqakkat siunissami atorneqarsinnaanngorlugit inerisaanermut peqataarusuppit?

Ilinniakkap normua: 212513

 

Piviusut

  • Sivisussusaa: uk. 3
  • Qinnuteqarfissap killinga: Ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Sisimiut
  • Paasissutissat: www.kti.gl

Eqqaanermi teknikeritut Kalaallit Nunaanni eqqakkanik iluamik suliarinninnissap qularnaarneqarnissaa peqataaffigisinnaavat.

Eqqakkanik suliaqarneq aamma eqqaavinni atortunik sakkunillu ingerlatsineq aserfallatsaaliinerillu ilinniassavatit. Saniatigut atortut atueqqinnerlu pillugit ilinniagaqassaatit.

Ilinniarnerup ingerlanera

Ilinniagaq ukiunik pingasunik sivisussuseqarpoq.

Ukiup aappaa affaq siulleq terminalarbejderitut tunngaviusumik ilinniarneruvoq.

Tullinnguutissaaq ukiup aappaa affaq ilinniaqqinneq, eqqakkanik suliaqarneq aamma atortunik sakkunillu ingerlatsineq aserfallatsaaliinerlu, atortut pillugit ilinniarneq atueqqinnerlu pillugu ilinniarneq  immikkut ilinniakkatut ingerlanneqassallutik.

Sulisitsisumi ukioq ataaseq qaammatillu qulingiluat sungiusarluni sulineq aamma sapaatip-akunnerini qulingiluani arfineq-pingasunilu ilinniarfimmiinnerit paarlakaatissapput.

Ilinniagaq svenditut misilitsinnermik naggaserneqassaaq.

Ilinnialernissamut piumasaqaatit qinnuteqarnerlu

Ilinniartut nutaat ukiut tamaasa augustimi januarimilu KTI-mi aallartittarput, ukiorlu kaajallallugu qinnuteqartoqarsinnaavoq.

Inersimasutut ilinniartunngoruit ilinniarsimanngitsumiit ilinniarsimasumut alloriarlutit, inuutissasiummik misilittakkatit ilinniarninni sivikillisaatigisinnaavatit.


 

 

 

 

Siunissami periarfissat

Eqqaanermi teknikeritut sulilersinnaavutit.

Aningaasaqarneq

Ilinniarfimmiinninni ilinniagaqarnersiaqarsinnaavutit, sungiusarlutilli sulininni isumaqatigiissutit naapertorlugit lærlingitut akissarsiaqassallutit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl