Sundhedshjælper

Inuit sullinnissaat nuannaaraajuk? Innuttaasut napparsimanertik pissutigalugu imminnut isumagisinnaanngitsut paaqqutariumavigit?

Ilinniakkap normua: 272112

 

Piviusut

  • Sivisussusaa: uk. 1 qaammatit 3
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit 
  • Ilinniarfik: Peqqissaanermik Ilinniarfik, Nuuk
  • Paasissutissat: www.pi.gl

Sundhedshjælperitut utoqqarni, napparsimasuni innarluutilinnilu tunngaviusumik paaqqutarinnilluni suliassat isumagisassavatit, angerlarsimaffiini, utoqqaat illuini imaluunniit paaqqinniffinni.

Innuttaasoq pitsaanerpaamik inuuneqassappat, ulluinnarni imminut napatissinnaanissaminik inerisaasinnaaqqullugu attassiinnaqqullugulu sammisaqartillugulu ikorfartussavat.

Innuttaasut ulluinnarni suliassaasigut ikiornissaannut ilinniartinneqassaatit. Tassaasinnaapput inuttut eqqiluisaarneq, illumi suliassat, eqqiaaneq, errorsineq pisiniarnerlu, aamma nerisassat, peqqissuseq nerisassiornerlu pillugit ilitsersuinerit. Imaappoq sundhedshjælperitut tigussaasutigut ikiorsiisassaatit tunngaviusumillu paaqqutarininnermi suliassat suliarisarlugit.

Sundhedshjælperitut utoqqaat, napparsimasut imaluunniit innarluutillit qanilluinnalertassavatit. Inuit aliasunneri, aammali nuannaarneri inoorusussusiilu qanimut misigisussaavatit. Taamaammat sundhedshjælperitut inuit tusarnaarsinnaallugillu oqaloqatigisinnaasariaqarpatit.

Ilinniarnerup ingerlanera

Ilinniagaq ukioq ataatsimik qaammatinillu pingasunik sivisussuseqarpoq. Ilinniarneq aallarnerlugu sapaatip akunnerit arfineq pingasuni atuagarsorneq, malitsigissallugit sapaatip akunnerini 6-inni sungiusarluni sulineq, sapaatip akunnerini 20-ni atuagarsorneq, sapaatip akunnerini 20-ni sungiusarluni sulineq sapaatip akunnerini 4-ni atuagarsorneq, inaarutaasumik suliaqarneq oqaluttariarsorluni soraarummeernermik naggaserneqartumik.

Atuagarsorneq Nuummi Peqqissaanermik Ilinniarfimmi ingerlanneqassaaq.

Sapaatip akunneranut akunnerni marlunni timersorneq atuagarsornermut ilaavoq. 

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfianni inaarutaasumik misilitsissimaneq kalaallit qallunaallu oqaasiini D matematikkimilu E karakteereralugit

 

 

 

 

Siunissami periarfissat

Ilinniagaq una tunngavigalugu utoqqarnut, napparsimasunut innarluutilinnullu angerlarsimaffiini, utoqqaat illuini paaqqinniffinniluunniit sundhedshjælperitut sulisinnaavutit. 

Aningaasaqarneq

Ilinniarneq tamaat ilinniagaqarnersiuteqassaatit. Annertunerusumik paasisaqarit uani.

Attavissaq

Peqqissaanermik Ilinniarfik
Tlf.: (+299) 34 99 50
E-mail: pipost@nanoq.gl