Sundhedsassistent

Napparsimasunik paaqqutarininneq soqutigiviuk, aamma napparsimasunik sullisserusuppit?

Ilinniakkap normua: 272113

 

Piviusut

  • Sivisussusaa: uk. 2 qaammatillu 10-t
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit og Lærlingitut akissarsiat
  • Ilinniarfik: Peqqissaanermik Ilinniarfik, Nuuk
  • Paasissutissat: www.pi.gl

Sundhedsassistentitut ilinniarsimaguit sivisuumik napparsimasumi tunngaviusumik peqqissutsikkut napparsimasumillu paarsinikkut suliassat isumagisassavatit.

Ilinniarnerup ingerlanerani ilinniassavatit pisariaqartitanik naliliineq, peqqissutsimik suliaqarnerup iluani paaqqinninnermi suliassat aaqqissuunnissaat, aallartinneqarnissaat ingerlanneqarnissaallu.

Sundhedsassistentitut napparsimasunik paarsinermi immikkut suliassat isumaginissaannut ilinniartinneqarsinnaavutit. Pikkorissarnerit imaluunniit suliutigaluni ilinniartinneqarnerit aqqutigalugit piginnaanngorsarsinnaavutit assersuutigalugu tarrarsuinernut (røntgen), audiologimut, erninernut, tarnikkut katsorsaanernut meeraaqqerinermullu tunngasut iluanni sulianut akisussaalersinnaallutit.

Ilinniarnerup ingerlanera                           

Ilinniagaq sundhedshælperitut ilinniakkap nanginnerivaa, ukiullu marlunnik qaammatinillu qulinik sivisussuseqarluni. Imarivai sapaatip-akunnerini 59-ini teoriinik ilinniarneq sapaatip akunnerinilu 68-ini sungiusarluni sulineq. Naggasiunneqassaaq sapaatip akunnerini sisamani atuagarsorneq, allattariarsorluni inaarutaasumik suliaqariarluni oqaluttariarsorluni soraarummeernermik naggaserneqartussaq.

Atuagarsorneq ilinniarneq Nuummi Peqqissaanermik Ilinniarfimmi pissaaq. Sapaatip akunneranut akunnerni marlunni timersorneq atuagarsornermut ilaavoq.

Ilinnialernissamut piumasaqaatit qinnuteqarnerlu

Ilinnialernissamut makku piumasaqaataapput:

  • Minnerpaamik C karakteereralugu sundhedshjælperitut ilinniarsimaneq imaluunniit peqqissutsimut tunngatillugu suliat iluanni assingusunik piginnaaneqarnissaq, taassuma saniatigut meeqqat atuarfianni karakter C kalaallisut qallunaatut kisitsinermilu.

    imaluunniit

  • Ilinniarnertuutut soraarummersimanissaq qallunaatut A-niveau malillugu karakter D angusimallugu aammalu kisitsinermi science-milu karakter D angusimallugu

  • qallunaatut allalluni sooq ilinniagaq qinnuteqarfiginerlugu allaaserinninneq  

Inaarutaasumik misilitsinnermi C ataallugu karakteereqaruit, ilinnialernissamut misilitsinnissat qinnutigisinnaavat.

’Peqqissutsimut tunngatillugu suliat iluanni assingusunik piginnaaneqarneq’ tunngavigalugu qinnuteqaruit Peqqissaanermik Ilinniarfiup piginnaanitit nalilersussavai.

Suliatigut naapertuuttunik misilittagaqareeruit, sungiusarluni sulinerup sivikillisarneqarnissaa qinnutigisinnaavat.


 

 

 

 Siunissami periarfissat

Ilinniagaq tunngavigalugu napparsimasunik paarsinerup iluani sundhedsassistentitut sulilersinnaavutit.

Aningaasaqarneq

Sungiusarluni sulinerpit nalaani lærlingitut akissarsiaqassaatit ilinniarfimmiinnerullu nalaani linniagaqarnersiuteqarlutit. Annertunerusumik paasisaqarit uani.

Attavissaq

Peqqissaanermik Ilinniarfik
Tlf.: (+299) 34 99 50
E-mail: pipost@nanoq.gl