Nunaqarfinni peqqinnissamik sullissisoq (Sundhedsarbejder)

Peqqinnissaq soqutigiviuk, nunarfinnilu peqqissutsip annertusarneranut peqataarusuppit?

Ilinniakkap normua: 272115

 

Piviusut

  • Sivisussusaa: sap. Ak. 22
  • Qinnuteqarfissap killinga: 1. marts
  • Aningaasaqarneq: Lærlingitut akissarsiat
  • Ilinniarfik: Peqqissaanermik Ilinniarfik, Nuuk
  • Paasissutissat: www.pi.gl

Peqqinnissamik sullissisutut ilinniakkami nunaqarfinni peqqissutsimut tunngatillugu suliassanik ilinniartinneqassaatit. Imaappoq napparsimavimmut saaffiginnittoqannginnerani tunngaviusumik suliassat isumaginissaannut ilinniartinneqassaatit, aamma nunaqarfimmi innuttaasut suleqatigalugit peqqissutsimik siuarsaaniutit pinaveersaartitsinerillu isumaginissaat ilinniassavat.

Ilinniakkami inuutissarsiummi suliamut tunngasutigut, inuttut sulinernilu atugassannik ilinniartinneqassaatit.

Sapaatip akunneranut akunnerni marlunni timersorneq atuagarsornermut ilaavoq. 

Ilinniarnerup ingerlanera

Peqqinnissamik sullissisutut ilinniagaq sapaatip-akunnerinik 22-nik sivisussuseqarpoq, ima agguagaasunik: sapaatip-akunnerini 6-ini atuagarsorneq, sapaatip-akunnerini 5-ini sungiusarluni sulineq, sapaatip-akunnerini 6-ini atuagarsorneq, sapaatip-akunnerini 5-ini sungiusarluni sulineq.
Ilinniagaq sungiusarluni sulinermi inaarneqassaaq.

Ilinnialernissamut piumasaqaatit qinnuteqarnerlu                                

Ilinnialissagaanni piumasaqaatit makkuupput:

  • Meeqqat atuarfianni inaarutaasumik misilitsissimaneq, kalaallit qallunaallu oqaasiini minnerpaamik D aamma kisitsinermi matemnatikkimilu E karakteerealugit
  • Pinerluuteqarsimannginnermut uppernarsaat

 

 

 

 

Siunissami periarfissat

Peqqinnissamik sullissisutut ilinniagaqaruit nunaqarfinni peqqinnissaqarfimmi sulilersinnaavutit.

Aningaasaqarneq

Sungiusarlutit sulininni lærlingitut akissarsiaqassaatit, ilinniarfimmiikkaagavillu Ilinniagaqarnersiuteqassallutit. Annertunerusumik paasisaqarit uani.

Attavissaq

Peqqissaanermik Ilinniarfik
Tlf.: (+299) 34 99 50
E-mail: pipost@nanoq.gl