Isumaginninnermi ikiorti

Isumaginninnermut tunngasut soqutigisarivigit, aamma perorsaanikkut suliffeqarfinni unamminartunik suliaqarusuppit?

Ilinniakkap normua: 270015

 

Piviusut

  • Sivisussusaa: uk. 2
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit
  • Ilinniarfik: Perorsaanermik Ilinniarfik, Ilulissat
  • Paasissutissat: www.pi.sps.gl

Isumagininnermi ikiorti isumaginninnermut tunngasut iluanni isumassuinikkut suliassaqartitsinikkullu isumagisassat suliarinissaannut ilinniarsimavoq.

Meeqqanut, inuusuttunut, inersimasunut imaluunniit paaqqinniffinni utoqqarnut tigussaasutigut inuttullu ikiuunnissamut ilinniartinneqassaatit.

Kalaallit Nunaanni nunap immikkoortuini ilinniarfinni ilinniarsinnaavutit. Ilulissani Maniitsumilu ilinniarfiit augustimi ilinniartunngortitsisarput, Nuummi januarimi. Qitiusumik ilinniarfik tassaavoq Ilulissani Perorsaanermik Ilinniarfik.

Ilinniarnerup ingerlanera

Ilinniagaq ukiunik marlunnnik sivisussuseqarpoq, sapaatip-akunnerini 49-ni atuagarsornertaqarluni sapaatip-akunnerinilu 47-ni isumaginninnerup iluani sungiusarluni sulinertaqarluni.

Atuagarsornertaa pingasoqiusaavoq:

  • Siulleq nunap immikkoortuani ilinniarfimmi
  • Aappaa nunap immikkoortuani ilinniarfimmi
  • Pingajuat Ilulissani qitiusumik ilinniarfimmi

Sungiusarluni sulineq marlunnut avinnikuuvoq, tamarmilu sungiusarluini suliffigisami ingerlanneqassalluni.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Ilinniartunngortussaq 10 klasse-mi allattariarsorluni soraarummeerluni misilitsissimassaaq kalaallisut minnerpaamik 4 aamma qallunaatut minnerpaamik 02 karaktereralugit.

  • Sunngiffimmi atuarnertut kalaallisut minnerpaamik 4 aamma qallunaatut minnerpaamik 02 karaktereralugit,
    imaluunniit
  • Naammaginartunik angusaqarluni akuerisaasumik ilinnialernissamut ilisaritsinermik allamik ingerlatsisimaneq soorlu Majoriami imaluunniit NUIKI.

Qinnuteqartut isumaginninnermut tunngasut iluanni misilittagallit salliutinneqassapput.


 

 

 

 

Siunissami periarfissat

Isumaginninnermi ikiortitut makkunani sulilersinnaavutit:

  • Ulluunerani neqeroorutit
  • Ulloq-unnuarlu paaqqinniffiit
  • Innarluutilinnut tunngasut
  • Utoqqarnut tunngasut
  • Meeqqat atuarfianni 1. - 3. klasse
  • Pinerluuteqarsimasunik Isumaginniffimmi

Isumaginninnermi ikiortitut naammassigaanni ilinniaqqinnissaq Socialassistent-itut periarfissaavoq. 

Aningaasaqarneq

Ilinniarneq tamaat ilinniagaqarnersiuteqarnissat qinnutigisinnaavat. Annertunerusumik paasisaqarit uani.

Attavissaq

Perorsaanermik Ilinniarfik
Tlf.: +299 38 35 50
E-mail: allaffik@pi.sps.gl