Isumaginninnermi assistenti

Inuit, meeqqat mikisut, atuartut, meeqqat angerlarsimaffiup avataanut inissitat, inuusuttut pissusilersornermikkut ajornartorsiutillit, innuttaasut timikkut tarnikkullu pisinnaasakitsut sullikkusuppigit?

Ilinniakkap normua: 272113

 

Piviusut

  • Sivisussusaa: qaammatit 9
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit
  • Ilinniarfik: Perorsaanermik Ilinniarfik, Ilulissat
  • Paasissutissat: www.pi.sps.gl

Isumaginninnermi assistentitut ilinniakkami ilinniartitsineq sulillutillu ilinniartinneqarnerit aqqutigalugit isumaginninnermi perorsaanermut tunngasutigut ilisimasaqalerlutillu pisinnaasaqalissaatit.

Innuttaasut assigiinngitsorpassuit sullinnissaat ilinniassavat, meeqqanit atuartuniit inuusuttunut pissusilersornermikkut ajornartorsiutilinnut imaluunniit innuttaasunik tarnikkut timikkullu pisinnaasakillisimasunik sullissisinnaalissallutit.

Ilinniartitsinermi iliniartut ataasiakkaat pikkoriffii periarfissaallu aallaavigalugit ilikkariartornerat peroriartornerallu pingaartinneqartarpoq.

Ilinniarnermi avatangiisinut ilinniartitsinermullu ilisarnaqutaapput ammasuuneq amerlalluinnassuserlu.

Isumaginninnermi assistentitut ilinniagaq isumaginninnermi perorsaasutut ilinnialissutaasinnaavoq.

Ilinnialernissamut piumasaqaatit qinnuteqarnerlu

Ilinnialissagaanni piumasaqaataavoq isumaginninnermi ikiortitut ilinniagaqarnissaq.

Soraarummeernermut uppernarsaammi karakteeri pitsaanerpaaq tunngavigalugu ilinniartunngortitsisoqartarpoq.


 

 

 

 

Siunissami periarfissat

Isumaginninnermi assistentitut ilinniagaqaruit isumaginninnermi perorsaanerup iluani suliffittaarsinnaavutit.

Aamma isumaginninnermi perorsaasutut ilinniaqqissinnaavutit.

Aningaasaqarneq

Ilinniarneq tamaat ilinniagaqarnersiaqarnissat qinnutigisinnaavat. Annertunerusumik paasisaqarit uani.

Attavissaq

Perorsaanermik Ilinniarfik
Tlf.: +299 38 35 50
E-mail: allaffik@pi.sps.gl