Portør-redder

Inunnik sullissineq nuannariviuk, napparsimasullu uninnganerminni pitsaasumik pineqarnissaannut peqataarusuppit?

Ilinniakkap normua: 272181

 

Piviusut

  • Sivisussusaa: sap. ak. 22
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit aamma lærlingitut akissarsiat
  • Ilinniarfik: Peqqissaanermik Ilinniarfik, Nuuk
  • Paasissutissat: www.pi.gl 

Portør-redderitut ilinniarninni portøritut sullissinerup napparsimasunillu isumassuinerup pilersaarusiornissaat isumaginnissaallu ilinniassavatit.

Aamma ambulancini sulineq, napparsimasunik angallassinerup isumaginissaa napparsimavimmullu pinnginnermi tunngaviusumik ikiuineq ilinniassavatit. Taamaammat annaassiniarluni ikiueqqaarneq ilinniakkap pingaaruteqartumik ilagivaa.

Ilinniarnerup ingerlanera

Portør-redderitut ilinniarneq sapaatip-akunnerinik 22-nik sivisussuseqarpoq (qaammatit 5 missaat), tassaalluni sapaatip-akunnerini 4-ni teori sapaatip-akunnerini 6-ni sungiusarluni sulinermik malitseqartoq. Tamatuma kingorna suli sapaatip-akunnerini 4-ni atuagarsorneq sapaatip-akunnerinilu 5-ni sungiusarluni sulinissaq tulliutissapput.

Ilinniarneq naggaserlugu sapaatip-akunnerini 2-ni atuagarsorneq sammineqassaaq, tulliullugulu soraarummeerneq.
Atuagarsornermik ilinniarneq Nuummi Peqqissaanermik Ilinniarfimmi ingerlanneqassaaq.

Sapaatip akunneranut akunneri marlunni timersorneq atuagarsornermut ilaavoq.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfianni inaarutaasumik misilitsinneq kalaallit qallunaallu oqaasiini minnerpaamik D aamma kisitsinermi matematikkimilu E karakteereralugit
  • Biilernermut allagartaqarnissaq
  • Pinerluuteqarsimannginnermut uppernarsaat
  • Issittumi tunngaviusumiik ikiueqqaarnermik pikkorissarsimanissaq

 

 

 

 

Siunissami periarfissat

Portør-redderitut ilinniagaqaruit peqqissaavinni napparsimavinnilu portøritut sulisinnaavutit, tassanilu uninngasunik isumassuinermik suliaqarlutit.

Aningaasaqarneq

Sungiusarlutit sulinerpit nalaani lærlingitut akissarsiaqassaatit, ilinniarfimmiinnermilu ilinniagaqarnersiuteqarlutit. Annertunerusumik paasissutissat takukkit uani.

Attavissaq

Peqqissaanermik Ilinniarfik
Tlf.: (+299) 34 99 50
E-mail: pipost@nanoq.gl