Klinikassistenti

Kigutilerinerit soqutigivigit?

Ilinniakkap normua: 272122

Piviusut

  • Suvisussusaa: Ukiut marluk
  • Qinnuteqarfissap killinga: 1. marts ukiut marlukkaartumi
  • Aningaasaqarneq: Ilinniarnermi akissarsiat 
  • Ilinniarfik: Peqqissaanermik Ilinniarfik, Nuuk
  • Paasissutissat: www.pi.gl

Klinikassistent-i naatsumik ilisaritissagaanni, ilinniagaq ukiumik marlunnik sivisussuseqarpoq. Sapaatip akunneri 14-inik atuagarsornertaqarluni kiisalu sapaatit akunneri 76-nik suliffimmik sungiusarnertaqarluni. Ilinniakkallu naggasernerani atuagarsorneq sapaatit akunneri marlunnik sivisussuseqartumi misilitsinnermik naggaserneqartartoq.

Ilinniartitaaneq kigutilerivinni, Nuummi Peqqissaanermik Ilinniarfimmi ilaatigullu atortorissaaruserluni alisissumiit ilinniartitsinikkut ingerlanneqartarpoq. Ilinniartitsineq Københavnip Universitetiani klinikassistentinngorniat kigutigissaasunngorniallu atuarfianni ilinniartitsissunit ingerlanneqartarpoq.

Sapaatip akunneranut akunnerni marlunni timersorneq atugarsornermut ilaavoq.

Ilinniarnissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfiannit soraarummeernermi matematikkimi minnerpaamik karakteerimik E-mik (02) angusisimanissaq, kalaallisut qallunaatullu oqaasilerimermi minnerpaamik karakteerimik D-mik (4) angusisimanissaq. 
  • Sulinermik sungiusarnissamut akuerineqarneq/kigutilerivimmi ilinniartunngornissamut isumaqatigiissusiorsimaneq. 

Sulinermik sungiusarfissatut neqeroorutaasut katillutik 14-iniit 18-inut amerlassuseqarput. Majoriaq sulisitsisorlu suleqatigalugit ilinniartunngornissamut isumaqatigiissusiortoqassaaq. Tamatuma kingorna qinnuteqaat immersorneqassaaq taannalu Majoria-mit Peqqissaanermik Ilinniarfimmut ingerlateqqinneqassaaq. 

 

 

 

 

 

Sulinermik sungiusarfissat

Sulinermik sungiusarneq najukkanni illoqarfiup kigutileriviani ingerlanneqassaaq.

Sulinermik sungiusarnerup nalaani suliffimmi sungiusaasoqassaatit Peqqissaanermillu Ilinniarfimmi attaveqarfeqassallutit. 

Klinikassistent-itut ilinniartunngoruit suliffik sungiusarfeqartariaqarputit, sungiusarfigisarniillu oorersiaqassaatit. Tassunga skattekort-it tunniun-nissaa pisariaqarpoq. Meeraqaruit meeqqat tapiinik pisalersinnaavutit meeqqavit allagartai ilanngullugit nassiussimangukkit (kuisimanermut allagartaq kiisalu bopælsattest). Meeqqamut ataatsimut qaammamut 1.000,00.

Siunissami periarfissat

Klinikassistentitut kigutileritinnerni assigiinngitsuni tamani piareersaallutillu ikiuuttassaatit. Tamatuma saniatigut sullitanik ilitsersuisassaatit.

Aningaasaqarneq

Ilinniarneq tamaat ilinniartutut akissarsiaqassaatit.

Attavissaq

Peqqissaanermik Ilinniarfik
Svend Jungep Aqq. 2
3900 Nuuk

Tlf.:32 99 50 

E-mail: pipost@nanoq.gl