Ulluunerani neqeroorutini ikiorti

Perorsaaneq soqutigiviuk, aamma Kalaallit Nunaanni meeqqat atugarissaarnissaannik pilersitsiniarnermut peqataarusuppit?

Ilinniakkap normua: 270020

 

Piviusut

  • Sivisussusaa: qaammatit 9
  • Qinnuteqarfissap killinga: killigititaqanngilaq
  • Aningaasaqarneq: Ilinniagaqarnersiutit
  • Ilinniarfik: Perorsaanermik Ilinniarfik, Ilulissat
  • Paasissutissat: www.pi.sps.gl

Ulluunerani neqeroorutini ikiortitut ilinniagaq Ulluunerani neqeroorutini sulisunut ilinniarsimanngitsunut saaffiginnissutaavoq, taakkununnga ilanngullugit meeraaqqerivinni, meeqqerivinni angerlarsimaffimmi meeqqerivinni sulisut.

Ulluunerani neqeroorutini ikiortitut kajuminnartumik ilinniarfiusumillu suliaq misigissavat.

Meeqqanik suliaqarnermi akisussaassuseqarneq aamma angajoqqaanik, suleqatinik, sulisitsisunik pisortanillu suleqateqarsinnaaneq piumasaapput.

Ilinnialernissamut piumasaqaatit qinnuteqarnerlu

Ilinnialernissamut makku piumasaqaataapput:

  • Meeqqat atuarfiannit inaarutaasumik allaaserinninnermi soraarummeersimalluni, minnerpaamik kalaallisut karakteri 4 aamma qallunaatut karakteri 02.
  • Ilinnialernissamut ilisaritsitsinermik ingerlatsineq alla ingerlassimassallugu, soorlu Majoriaq imaluunniit NUIKI. 
    imaluunniit
  • Assigusunik piginnaaneqarneq uppernarsarsinnaassallugu, soorlu naapertuuttumik inuutissarsiummik misilittagaqarneq

PI/SPS immikkut pisoqartillugu piumasaqaatinik sanioqqutitsisinnaavoq.

Saniatigut uku piumasaapput:

  • 18-inik ukioqalereersimanissaq
  • Pillagaasimannginnermut aamma meeqqanik pinerliisimannginnermut ilinniarnerup aallartinnerani uppernarsaateqarnissaq

 

 

 

 

Siunissami periarfissat

Ulluunerani neqeroorutini ikiortitut ilinniagaqaruit ulluunerani neqeroorutini, meeraaqqerivinni imaluunniit meeqqerivinni sulilersinnaavutit, Isumaginninnermi ikiortitut qinnuteqartoqarsinnaavoq.

Qinnuteqarfissap killinga:

Ilinniarneq aaliangersimasumik tiguneqarnissamut killigititaqanngilaq imaluunniit aaliangersimasumik ullumik aallartiffeqanngilaq kisianni aalaakkaasumik neqeroorutigineqartarpoq pisariaqartitsineq ilinniartussallu toqqammavii naapertorlugit, minnerpaamik qulit peqataassapput holdimik aallartitsiniaraanni.

Aningaasaqarneq

Iliinniarneq tamaat ilinniagaqarnersiuteqarnissat qinnutigisinnaavat. Annertunerusumik paasisaqarit uani.

Attavissaq

Perorsaanermik Ilinniarfik
Tlf.: +299 38 35 50
E-mail: allaffik@pi.sps.gl