Isiginnaartitsisartutut ilinniarneq

Isiginnaartitsineq nuannariviuk, pisuusaartitsisinnaavit aamma isiginnaartitsineq eqqumiitsulioriaatsitut soqutigiviuk?

Ilinniakkap normua: 293005

 

Piviusut

  • Sivisussusaa: uk. 2
  • Ilinnialernissamut piumasaqaatit: Misilitsinnermi angusineq + 18-ileereersimanissaq
  • Qinnuteqarfissap killinga: Ukioq allortarlugu 5. februar.
  • Aningaasaqarneq: Ilinniagaqarnersiutit
  • Ilinniarfik: Nunatta Isiginnaartitsivia
  • Paasissutissat: Ilinniarfiup facebookimi  quppernera takuuk.

Isiginnaartitsisartutut ilinniarnermi anguniagaavoq eqqumiitsuliortutut nammineerluni pilersitsisinnaasutut eqqumiitsuliornermillu ingerlataqartutut ilinniartinneqarnissat.

Isiginnaartitsilluni eqqumiitsuliornerup iluani suliat pillugit teoriitigut ilisimasassat ilinniassavatit, aammalu suliamut atatillugu suliallu akimorlugit pisinnaasariaqartut ilinniarluassallugit.

Tamakku tamaasa ilinniassavatit isiginnaartitsisartutut ilinniarsimasutut inuutissarsiutigalugu eqqumiitsuliortutut isiginnaartitsinikkullu ingerlatsisinnaaleqqullutit.

Isiginnaartitsinermik Ilinniarfimmi ilinniartutut kulturikut oqaluttuarisaanermi ilisimasassanik annertuunik tunngaveqarlutit suliaq ilinniassavat, Inuit oqaluttuarisaanerat immikkut pingaartillugu. Aamma ullutsinni pisut pissuseqarfiginissaat tamatumalu sulininnut ilaatinnissaa ilinniassavat.

Aamma isiginnaartitsinermi inuttaasutut pissusilersornissap atuarlugulu paasiniaqqissaarnissaanut periusissanik tamatumalu isiginnaartitsinerup ataatsimut isigalugu pingaarutaata paasinissaanut sakkussinneqassaatit, kiisalu eqqumiitsuliornikkut inerisaanermi tunngaviit pillugit ilisimasat pissuseqarfiginissaat ilinniassallugu.

Ilinnialernissamut piumasaqaatit qinnuteqarnerlu

Ilinnialernissamut piumasaqaatit makkuupput:

  • 18-inik ukioqalereersimanissat aamma
  • Ilinnialernissamut misilitsinnermi angusinissat.

Ilinnialersinnaaneq Nunatta Isiginnaartitsisarfianit aalajangiiffigineqassaaq, qinnuteqartup pikkorissusaanik, piginnaasaanik pisinnaasaanillu erseqqissumik naliliineq tunngavigalugu.

Qinnuteqarnissamut killigititaq: Ukioq allortarlugu 5. februar.


 

 

 

 

Siunissami periarfissat

Isiginnaartitsisartutut ilinniarsimasutut ilaatigut suliarisinnaavatit filmiliornerit, isiginnaartitsisarfiit TV aamma ilinniartitsineq.

Aningaasaqarneq

Ilinniarneq tamaat ilinniagaqarnersiuteqarnissat qinnutigisinnaavat. Annertunerusumik paasisaqarit uani.

Attavissaq

Nunatta isiginnaartitsisarfia
Tlf.: +299 38 13 70
E-mail: info@nuis.gl