Kalaallisuuliorneq

Assassornermik nuannarisaqarpit, kalaallisuuliornerlu ilinniarusuppiuk?

Ilinniakkap normua: 292021

 

Piviusut

  • Sivisussusaa: Uk. 2-t
  • Qinnuteqarfissaq: 1. august 2017. Ulloq kingulleq 15. oktober 2017. Ukioq allortarlugu.
  • Ilinnialissapput: Uge 2. 8. januar 2018
  • Aningaasaqarneq: Ilinniagaqarnersiutit
  • Ilinniarfik: Kalaallisuuliornermik Ilinniarfik, Sisimiut
  • Paasissutissat: www.kalilin.gl

Kalaallisuuliornermik ilinniartitaanerup siunertaa tunuliaqutaalu  

Kalaallisuuliornermik ilinniartitaanerup siunertaraa, ilinniartup ilisimasassatigut piginnaasassanik ineriartortitsillunilu pigisaqaleriartornissaa, tamakkiisumik kalaallisuuliornermik suliassat iluini piginnaaneqarluarluni namminersorlunilu sulisinnaalernissaminut. 

Aammattaaq anguniagaavoq ilinniartup sungiusartullu nutaaliornernik naleqqussaanernillu aallussisinnaalernissaa misilittagaqalernissaalu, taamatullu pilersitsisinnaassuseqarnermik aallarniisinnaassuseqarnermillu inerisarnissaa. 

Ilisimatitsissut:

Ammit piniartuningaaniit pisarpagut nutaat.

Ilinniagassat / sungiusagassat: Ammerineq

Ammerinermik ilinniartitaanerup / sungiusarnerup imarai, siunertaralugulu kalaallisuuliornermi amernik suliaqalersinnaanissaq. Ammit tungaasigut suliaqarnikkut immikkut ilikkagassat piginnaafigisaqalerfissallu tassaapput, kalaallisuuliorniaraanni qangatut ammerineq suliarineqaqqaartariaqarpoq.

Anguniagaq tassaavoq ilinniartup sungiusartullu nammineerluni suleqateqarlunilu kalaallisuuliornermi tunngaviusumik ammit tungaasigut suliaqarnermi  piginnaasassanik ilisimasaqalernissaa, piginnaaneqalernissaa, ineriartortitsisinnaalernissaalu.  

Aammattaaq anguniagaavoq ilinniartup / sungiusartup ammit tungaasigut nutaaliornernik aallussisinnaalernissaa misilittagaqalernissaalu, taamatullu pilersitsisinnaassuseqarnermik aallarniisinnaassuseqarnermillu inerisarnissaa.

Ilinniarfimmi ilinniarnermi aammalu sungiusarnermi angusarisimasanik naliliineq

Ilinniarfimmi soraarummeerutinik atuisoqanngilaq. Kisiannili ilinniarnerup ingerlanerani sungiusarnerullu ingerlanerani arlalinnik allallugit naliliisoqartassaaq.

Naliliinerni atorneqartassaaq:

 • GGS-skala (Kalaallit Nunaanni karakteriliinermi tunngaviusoq)

Ilinniartoq naammassilluni allagartartaassaguni ilinniartup ilinniarnermi ingerlatassat tamaasa  aqqutigereersimassavai. (Suliakkiutigineqartut tamaasa naammassisimassagai) Pisariaqarpat ilinniarfimmi pisortaasoq siulittaasorlu naliliisinnaapput, ilinniarnermik ingerlaannarnissamut tunngavissaqarnersoq.

Allagartaq

Ilinniarnermi naliliinerit sungiusarnermilu naliliinerit, kiisalu immikkut sammisaqarnermi naliliinerit allagartartaami tamarmik allassimassapput. 

Sungiusarneq praktik illoqarfimmi allami. 

Ilinniartup ilinniarnersiutini pigiinnassavai. Ilinniartoq ilinniartut ineqarfianni ineqatinneqassaaq KAF. ataani                                                                                                                    
  

Ilinnialernissamut piumasaqaatit qinnuteqarnerlu

Ilinnialernissamut makku piumasaqaataapput:

  • Meeqqat atuarfianni inaarutaasumik misilitsissimanissaq
  • 18-inik ukioqalereersimanissaq

Annertunerusumik paasissutissat uaniipput Kalaallisuuliornermik Ilinniarfiup Nittartagaa.


 

 

 

 

Siunissami periarfissat

Kalaallisuuliornermik Ilinniarfimmi ilinniarsimaguit ilaatigut atuartitsisutut, ammerisutut, katersugaasivinni, amernik mersortarfinni suliffeqarfinnilu sulilersinnaavutit.

Aningaasaqarneq

Ilinniarneq tamaat ilinniagaqarnersiuteqarnissat qinnutigisinnaavat. Annertunerusumik paasisaqarit uani.

Attavissaq

Kalaallisuuliornermik Ilinniarfik
Pisortaq: Kirstine Berthelsen:
Tlf: +299 866909
E-mail: kalilin@kalilin.gl