Danmarkimi immikkut ilinniakkat

DK-mi immikkut ilinniakkani Nunatsinni sungiusarlutit sulissaatit Danmarkimilu ilinniarfimmi atugarsorlutit.

Nakorsamut allatsi - Ilinniakkap normua: 222011

Ilinniakkamik naammasserlaatut napparsimasut journaliinik suliaqarneq, innuttaasunik ilitsersuussineq kiffartuussinerlu, sullissineq kiisalu allaffissorneq suliassarissavatit, kiisalu nalinginnaasumik sulinermi laboratoriami kiisalu ikiuinermi suliassat allat. Tassa ikiuerusukkuit inunnillu assigiinngitsunik attaveqarneq aammalu peqqinnissaqarfimmi sulineq soqutigalugu, ilinniagaq taanna ilinnut naleqquttuussaaq.

Ilinniarfimmiinnerit tamarmik Handelsfagskolemi Odderimiittumi ingerlanneqartarput. Ilinniartut ilinniarfimmi ineqarfiutigisumi inissinneqartarput. Meeqqat ilinniarfimmi najugaqatigineqarsinnaanngillat. Odderip Handelsfagskoliani ilinniarneq sisamariarluni ingerlanneqartarpoq.

Ilinniarfik: Handelsfagskolen i Odder

Paasissutissat: www.handelsfagskolen.dk

 

 

 

 

Eqqartuussissuserisunut allatsi (advokatsekretær)

Eqqartuussissuserisunut allatsitut sulissaguit annertuumik akisussaaffeqassaatit, taamaattumik pingaaruteqarpoq torersumik suleriaaseqarnissat, sullissinermik sungiusimasaqarputit aammalu allallaqqissuusariaqarlutit, allakkiat uppernarsaatitut atugassat allakkallu ilinnut akuttunngitsumik allatassanngorlugit suliassiissutigineqartartussaammata.

Danmarkimi ilinniarfimmik nassaarnissaq nammineq akisussaaffigaat.

Paasissutissat: www.ninuuk.gl

 

 

Kukkunersiuisumut ikiorti (revisorassistent)

Inuit, kisitsisit aningaasaqaqarnerlu soqutigisaraagit? Taava kukkunersiuisumut ikiortitut ilinniarneq misissulaariaruk.

Kukkunersiuisumut ikiortitut sulissaguit suliffeqarfiit naatsorsuutaannik naatsorsuusiornermillu (bogholderi) suliaqassaatit.

Danmarkimi ilinniarfimmik nassaarnissaq nammineq akisussaaffigaat.

Paasissutissat: www.ninuuk.gl 

 

 

Shippingassistent

Shippingassistentitut sulissaguit immakkut assartuinerup pilersaarusiorneranik suliaqassaatit. Inuppassuit attaveqarfigisassavatit aamma angallassinermi pappiararsorneq suliarisarlugu.

Danmarkimi ilinniarfimnmik nassaarnissaq nammineq akisussaaffigaat.

Paasissutissat: www.ninuuk.gl