Immikkut ilinniakkat

Uani TNI-mut atatillugu suut immikkut ilinniarsinnaanerlugit pingaarnersiorlugit takusinnaavatit.

TNI-mi immikkut ilinniakkat Danmarkimi ingerlanneqartarput, kisianni Campus Kujalleq, Qaqortoq imaluunniit Niuernermik Ilinniarfik, Nuuk neqeroortuusarput. Taamaammat CAK imaluunniit NI aqqutigalugit qinnuteqassaatit. Ataaniittut takukkit.

 

Allaffissornikkut ingerlatsineq (Administration) – Ilinniakkap normua: 222022

TNI Allaffissornikkut ingerlatsineq ilinniarsimagukku allaffissornikkut ingerlatsinerup, aningaasaqarnerup sullissinerullu iluanni tunngaviusunik piginnaasaqalissaatit. Qarasaasiakkut allanneq, kisitsissutit (regneark), databasit qarasaasiakkullu programmit allat atornissaat ilinniassavatit.

Ilinniarfik: Campus Kujalleq, Qaqortoq imlt. Niuernermik Ilinniarfik, Nuuk

Paasissutissat: www.cak.gl / www.ninuuk.gl

 

 

 

 

 

Niuertarfik – Ilinniakkap normua: 222012

TNI-mi Niuertarfilerinermik ilinniakkami tuniniaasutsialattut ilinniarnissamut periarfissaqassaatit. Pisinianik sullissineq ilinniassavat aamma sullilluarnerisa pingaarutaat aamma nioqqutissat qanoq tunineqarluarsinnaanersut ilinniassavatit.

Ilinniarnerit naammassigukku niunertarfinni suliassat assigiinngitsorpassuit suliarsinnaalersimassavatit, aammalu annikitsukkuutaanik nioqquteqartarnerup qanoq pisarnera siamasissumik ilikkarsimassallugu.

Ilinniarfik: Campus Kujalleq, Qaqortoq imlt. Niuernermik Ilinniarfik, Nuuk

Paasissutissat: www.cak.gl / www.ninuuk.gl

 

 

 

 

 

Pinnersaasartoq (dekoratør) – Ilinniakkap normua: 222021

Pinnersaasartutut pinnersaasiortassaatit saqqummersitsinernillu aaqqissuussisarlutit, nioqqutissamik pilerinartunngortitsillutit, ilutigisaanillu niuertarfiup immikkut ilisarnaataanik ersersitsillutit. Aamma niuertarfiup aaqqissuunnissaa pillugu siunneersuisinnaavutit.

Ilinniarfik: Campus Kujalleq, Qaqortoq

Paasissutissat: www.cak.gl

 

 

 

 

Niunermermi assistenti (handelsassistent) – Ilinniakkap normua: 222052

Niuernermi assistentit saaffiginnittunik sullissisarput, akinik naatsorsuillutik, neqeroorusiorlutik pisinianullu piniagaasa uppernarsaataannik allattarlutik. Amerlasuunngorlugit niuerfinni sulingajuttarput, nioqqutissanik sullissinernilluunniit tuniniaanerit suliarisarlugit. Niunernermi assistentitut suliat assigiinngillat, apeqqutaalluni suut nioqqutigineqarnersut, suliffillu qanoq angitiginersoq.

Ilinniarfik: Campus Kujalleq, Qaqortoq

Paasissutissat: www.cak.gl

Pisiniartitsisoq immikkut sammivilik - Ilinniakkap normua: 222032

Pisiniartitsisutut niuertarfimmi tuniniaaneq suliassallu nalinginnaasut suliaasarput. Annikitsukkuutaanik nioqquteqarnermik ilinniarnermi tuniniaanermik ilinniartinneqassaatit, ilinniassallugulu qanoq pisiniat sullissinnaallugillu ilitsersorsinnaanerlugit. Aamma niuertarfik orniginarsarlugu nioqqutissat nittarsaannissaat aamma niuertarfiup aningaasaqarnera ilinniassavatit.

Ilinniarfik: Campus Kujalleq, Qaqortoq

Paasissutissat: www.cak.gl