TNI-Tunngaviusoq

Niunertarfiit niunernerlu soqutigivigit?

Ilinniakkap normua: 222024

 

Piviusut

  • Sivisussusaa: uk. 4
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit
  • Ilinniarfik: Niuernermik Ilinniarfik, Nuuk
  • Paasissutissat: ninuuk.net

TNI-Tunngaviusumi allaffimmi niuertarfimmiluunniit sulinissaq ilinniassavat.

Ilinniassavatit naatsorsuuserineq, sulianik suliaqarneq aamma saaffiginnittunik sullissineq. Aamma sullissineq kiisalu nioqqutissat tuniuminarnerpaanngorlugit inissitsiternissaat ilinniassavatit.

TNI-Tunngaviusoq inuutissarsiummik ilinniagaavoq, allaffimmi pisiniarfimmilu sulinissamut piginnaaneqalersitsisoq.

Ilinnialernissamut piumasaqaatit qinnuteqarnerlu

TNI ilinniarfigilissagukku ukua arlaat naammassisimasariaqarpat:

  • Meeqqat atuarfianni inaarutaasumik tamatigoortumik misilitsissimaneq (FA) karakterskala pisoqaq naapertorlugu minnerpaamik 6 nutaarlu (GGS-skala) naapertorlugu minnerpaamik E ukiumoortumik karakteeralugu aamma kalaallit, qallunaat tuluillu oqaasiinik matematikkimilu inaarutaasumik misilitsinnermi karakteeralugu.
  • Malittarisassat pisoqaat naapertorlugit meeqqat atuarfianni inaarutaasumik tamatigoortumik misilitsissimaneq (FSA) agguaqatigiissillugu 7 annertusisamillu misilitsinnermi (FSUA) 6 agguaqatigiissillugit karakteereralugu,
    Majoriami (Piareersarfik) inaarutaasumik misilitsissimanissaq (FA) skala pisoqaq malillugu 6 skalalu nutaaq (GGS-skala) malillugu E karakteereralugu.
  • Akuerisaasumik inuutissarsiummik ilisaritsitsineq (AEU) naammassisimanissaa karakterskala pisoqaq malillugu 7 nutaarlu (GGS-skala) malillugu D karakteereralugu

imaluunniit

  • TNI-Flexip naammassisimanissaa.

 


 

 

 

 

Siunissami periarfissat

TNI-Tunngaviusoq naammasigukku annermik suliffigilersinnaavatit allaffimmi assistentitut, pisiniarfimmi assistentitut tuniniaanermi assistentitut il.il. atorfiit.

Aningaasaqarneq

Ukioq siulleq ilinniagaqarnersiaqassaatit, tulliinilu isumaqatigiissutit naapertorlugit lærlingitut akissarsiaqarlutit. Annertunerusumik paasisaqarsinnaavutit uani.

Attavissaq

Niuernermik Ilinniarfik, Nuuk:
Tlf.: +299 32 30 99
E-mail: ninuuk@ninuuk.gl