TNI

Niuertarfiit, niuerneq allaffissornerlu soqutigivigit?

 

Piviusut

  • Sivisussusaa: uk. 4
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit
  • Ilinniarfik: Campus Kujalleq, Qaqortoq imaluunniit Niuernermik Ilinniarfik, Nuuk
  • Paasissutissat: ninuuk.net / www.cak.gl

Ilinniagaq TNI naatsorsuussaavoq ilinniarnerup kingorna toqqaannartumik atorfimmut nuannarisaminnut qinnuteqarusuttunut.

TNI-mi ilinniagaq assigiinngitsunik sivisussuseqarpoq, ilinniarnerup ingerlanerani ilinniarfimmiinnerit sungiusarlunilu sulinerit imaluunniit lærlingitut sulinerit paarlakaanneqartarlutik.

Sungiusarluni sulineq

Ilinnialissaguit sungiusarlutit suliffissarsisimasariaqarputit. Sungiusarlutit suliffissarsinissat nammineq akisussaaffigivat, kisianni qitiusumik ilinniarfik najukkanilu inuutissarsiutinik ilinniarfik attavigilluarsinnaavatit ikioqqullutit.

Ilinniarnerup ingerlanera

TNI-mi ilinniagaq ukiut 4 miss. sivisussuseqarpoq. Ukiut siulliit marluk ilinniarfimmiinneq TNI-mi lærlinginut tamanut assigiippoq.

Ukiut pingajuanni pisiniarfinnut imaluunniit allaffinnut sammivik nammineq toqqassavat. Ukiullu sisamaanni (immaqalu tallimaanni) immikkut ilinniarumallugu toqqakkat ingerlatissallugu.

Tunngaviusumik ilinniakkap kingorna immikkut ilinniagassat toqqassavat.

Immikkut ilinniakkat pillugit paasisaqarsinnaavutit uani:

Immikkut ilinniakkat
Danmarkimi immikkut ilinniakkat

Ilinnialernissamut piumasaqaatit qinnuteqarnerlu

TNI ilinniarfigilissagukku ukua arlaat naammassisimasariaqarpat:

  • Meeqqat atuarfianni inaarutaasumik tamatigoortumik misilitsissimaneq (FA) karakterskala pisoqaq naapertorlugu minnerpaamik 6 nutaarlu (GGS-skala) naapertorlugu minnerpaamik E ukiumoortumik karakteeralugu aamma kalaallit, qallunaat tuluillu oqaasiinik matematikkimilu inaarutaasumik misilitsinnermi karakteeralugu.
  • Malittarisassat pisoqaat naapertorlugit meeqqat atuarfianni inaarutaasumik tamatigoortumik misilitsissimaneq (FSA) agguaqatigiissillugu 7 annertusisamillu misilitsinnermi (FSUA) 6 agguaqatigiissillugit karakteeralugu,
    Majoriami (Piareersarfik) inaarutaasumik misilitsissimanissaq (FA) skala pisoqaq malillugu 6 skalalu nutaaq (GGS-skala) malillugu E karakteereralugu.
  • Akuerisaasumik inuutissarsiummik ilisaritsitsineq (AEU) naammassisimanissaa karakterskala pisoqaq malillugu 7 nutaarlu (GGS-skala) malillugu D karakteereralugu
  • TNI-Flexip naammassisimanissaa.

 

 

 

  

Siunissami periarfissat

TNI naammassigukku allaffinni, allattoqarfinni imaluunniit sulianik suliarinniffinni niuertarfinniluunniit sulilersinnaavutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

Niuernermik Ilinniarfik, Nuuk:
Tlf.: +299 32 30 99
E-mail: ninuuk@ninuuk.gl

Imaluunniit:

Campus Kujalleq, Qaqortoq:
Tlf.: +299 64 23 99
E-mail: cak@cak.gl