Serviceassistent

Ilinniagaq nutaajuvoq ukiunillu marlunnik sivisussuseqarluni, illoqarfinni nunaqarfinnilu ilinniagaqanngitsunut naatsorsuussaalluni.

Ilinniakkap normua: 201009

 

Piviusut

  • Sivisussusaa: uk. 2
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit
  • Ilinniarfik: Campus Kujalleq, Qaqortoq
  • Paasissutissat: www.cak.gl

Serviceassistentitut ilinniarnerup siunertaraa suliamut tunngatillugu inuttullu piginnaasavit qaffassarnissaat, suliffiit piumasaqaataannut naapertuuttumik.

Suliassat nalinginnaasut nammineerlutit pilersaarusiornissaannut isumaginissaannullu ilisimasaqalissaatit, pisinnaasaqalerlutit piginnaasaqalerlutillu. Taamaalillutit inuttut inerikkiartussaatit suliffimmilu qaffakkiartornissamut alloriaqqaarlutit.

Ilinniarnerup ingerlanera

Ilinniarnermi ilinniarfimmiinnerit, sungiusarluni sulineq aamma suliamut tunngasutigut inuttullu inerisarneq paarlakaapput.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfiannit tamatigoortumik inaarutaasumik misilitsissimaneq (FA) imaluunniit qallunaat imaluunniit kalaallit oqaasiinik akuerisaasumik inuutissarsiummik ilisarititsilluni ingerlatsisimaneq (AEU) karakterskalami pisoqqami 6 imaluunniit nutaami (GGS-skalami) 2/E karakteereralugit.
  • Minnerpaamik ukiuni marlunni naapertuttumik inuutissarsiummik misilittagaqarneq allatulluunniit ilinniagaqarneq.

Qinnuteqartut nunaqarfinni najugallit salliutinneqassapput.

Qinnuteqartut ilinnialernissamut piumasaqaatinik piviusunngortitsinngitsut ilinnialissagunik misilitseqqaassapput.


 

 

 

  

Siunissami periarfissat

Serviceassistentitut ilinniagaq naammassigukku TNI-tut ilinniagaq aallartinneqarsinnaavoq.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

Campus Kujalleq:
Tlf.: +299 64 23 99
E-mail: cak@cak.gl