Ruujorilerisoq (VVS-montør)

Ruujorilerisutut (VVS-montør) sulerisuppit?

Ilinniakkap normua: 212411

 

Piviusut

  • Sivisussusaa: uk. 4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Sisimiut
  • Paasissutissat: www.kti.gl

Ruujorilerisutut (VVS-montør) ilinniakkami taamatut sulinermi suliassat assigiinngisitaaqisut ilinniassavatit.

Ruujorilerisup suliaanut ilaatigut ilaapput imermut, kiassarnermut aqqutit aamma uffarfinni/anartarfinni ikkussugassat imermullu eqqagssamut aqqusersuinerit.

Sungiusarluni sulineq

Ilinnialissaguit sungiusarlutit suliffissarsisimasariaqarputit. Sungiusarlutit suliffissarsinissat nammineq akisussaaffigivat, kisianni qitiusumik ilinniarfik najukkannilu inuutissarsiutinik ilinniarfik attavigilluarsinnaavatit ikioqqullutit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.     

Ilinniarnerup ingerlanera

Ukioq ilinniarfiusoq siulleq sapaatip-akunnerini marlunni ilisaritsitsereernerup kingorna, nunap immikkoortuani inuutissarsiutinik ilinniarfimmiinnissat katillugit sapaatip-akunneri 18-iupput.

Ilinniakkami sungiusarluni sulineq nunallu immikkoortuani inuutissarsiutinik ilinniarfimmiinnerit aamma Sanaartornermik Ilinniarfimmiinnerit paarlakaapput. Ukiut aappaanniit sisamaannut sungiusarluni sulineq katillugillu sisamariarluni qitiusumik ilinniarfimmiinnerit sapaatip-akunnerinik 10-nik, 12-nik, 9-nik aamma 9-nik sivisussusillit paarlakaatissapput. Sisamassaanik ilinniarfimmiinnermi sapaatip-akunnerini kingullerni marlunni svenditut misilitsinnieq ingerlanneqassaaq.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfiannit 10. klassimi inaarutaasumik misilitsissimanissaq ukiumoortuniik karakteerini aamma kalaallit, qallunaat tuluillu oqaasiini, matematikkimmi kiisalu fysik/kemimi minnerpaamik 6 (karakterskala pisoqaq malillugu) imaluunniit karakterskala nutaaq (GGS-skala) malillugu E karakteereralugit.
  • Meeqqat atuarfianni 11. klassimi inaarutaasumik misilitsissimanissaq tamatigoortumik (FSA) aamma annertusisamik (FSUA) misisilitsinnermi angusilluni 6 karakteeraralugu (malittarisassat pisoqqat naapertorlugit)
  • Majoriami (Piareersarfik) inaarutaasumik angusilluni misilitsissimanissaq skala pisoqaq malillugu 6 skalalu nutaaq (GGS-skala) malillugu E karakteereralugu.
  • Sungiusarluni sulinissamik isumaqatigiissuteqarsiimanissaq

Qinnuteqartoq qulaani piumasaqaatinik piviusunngortitsisoq ataatsimoortumik nalileereernikkut ilinniarfiup ilinniarnermut ataatsimiititaliaa aqqutigalugu ilinniartunngorsinnaavoq.


 

 

 

 

Siunissami periarfissat

Ruujorilerisutut (VVS-Montøritut) sulilersinnaavutit imaluunniit byggeteknikeritut, VVS-teknikeritut imaluunniit bygningskonstruktøritut ilinniaqqissinnaallutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Sisimiut
Tlf.: +299 86 76 00 / +299 86 30 28
E-mail: si@sanilin.gl