Sanasoq

Kalaallit Nunaanni sanaartornermi sanasutut snedkeritulluunniit sulinissat kissaatigaajuk?

Ilinniakkap normua: 212021

 

Piviusut

  • Sivisussusaa: uk. 4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Nuuk og Sisimiut
  • Paasissutissat: www.kti.gl 

Sanasutut ilinniarnermi illunik angisuunik mikisunillu – illup iluani silataanilu – sanasutut snedkeritullu suliassat isumaginissaat ilinniassavat.

Suliassat tigussaasut assersuutigalugu tassaapput illut natiisa, iigaasa qaliaasalu sananerat, taamatullu tummeqqat aamma illut toqqavissaasa suliarinerat, illut aserfallatsaalinerinut suliareqqinnerinullu atatillugu aaqqissuussineq, skaavilersuineq, igaffilersuineq il.il.

Siusinnerusukkut sanasutut snedkeritullu suliat assigiinngillat. Kisianni sanaartornerup iluani teknikkikkut ineriartornerup kingunerisaanik suliat taakku marluk katigunneqarnikuupput, ilinniakkap naammattumik annertussuseqarnissaa angujumallugu.

Sungiusarluni sulineq

Ilinnialissaguit sungiusarlutit suliffarssarsisimasariaqarputit. Sungiusarluni suliffissarsinbissaq nammineq akisusaaffigivat, kisianni qitiusumik ilinniarfik najukkanilu inuutissarsiutinik ilinniarfik attavigilluarsinnaavatit ikioqqullutit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.             

Ilinniarnerup ingerlanera

Ukioq ilinniarfiusoq siulleq sapaatip-akunnerini marlunni ilisaritsitsereernerup kingorna, nunap immikkoortuani inuutissarsiummik ilinniarfimmiinnissat katillugit sapaatip-akunneri 18-iupput.

Ilinniakkami sungiusarluni sulineq nunallu immikkoortuani inuutissarsiummik ilinniarfimmiinnerit aamma Sanaartornermik Ilinniarfimmiinnerit paarlakaapput. Ukiut aappaanniit sisamaannut sungiusarluni sulineq katillugillu sisamariarluni qitiusumik ilinniarfimmiinnerit paarlakaapput, taakku sapaati-akunnerinik 10-nik, 12-nik, 9-nik aamma 9-nik sivisussuseqartassapput. Sisamassaanik ilinniarfimmiinnermi sapaatip-akunnerini kingullerni marlunni svenditut misilitsittoqassaaq.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfiannit 10. klassimi inaarutaasumik misilitsissimanissaq ukiumoortuniik karakteerini aamma kalaallit, qallunaat tuluillu oqaasiini, matematikkimmi kiisalu fysik/kemimi minnerpaamik 6 (karakterskala pisoqaq malillugu) imaluunniit karakterskala nutaaq (GGS-skala) malillugu E karakteereralugit.
  • Meeqqat atuarfianni 11. klassimi inaarutaasumik misilitsissimanissaq tamatigoortumik (FSA) aamma annertusisamik (FSUA) misisilitsinnermi angusilluni 6 karakteeraralugu (malittarisassat pisoqqat naapertorlugit)
  • Majoriami (Piareersarfik) inaarutaasumik angusilluni misilitsissimanissaq skala pisoqaq malillugu 6 skalalu nutaaq malillugu E karakteereralugu.
  • Sungiusarluni sulinissamik isumaqatigiissuteqarsiimanissaq

Qinnuteqartoq qulaani piumasaqaatinik piviusunngortitsisoq ataatsimoortumik nalileereernikkut ilinniarfiup ilinniarnermut ataatsimiititaliaa aqqutigalugu ilinniartunngorsinnaavoq.


 

 

 

 

Siunissami periarfissat

Sanasutut snedkeritulluunniit suliffittaarsinnaavutit imaluunniit byggeteknikeritut ilinniaqqissinnaallutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl

Imaluunniit:

KTI – Sisimiut
Tlf.: +299 86 76 00 / +299 86 30 28
E-mail: si@sanilin.gl