Svejserisoq

Svejserilluni sulineq nuannariviuk?

Ilinniakkap normua: 202127

 

Piviusut

  • Sivisussusaa: uk. 2½
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Nuuk
  • Paasissutissat: www.kti.gl 

Svejserisutut ilinniakkami savimerngit suulluunniit aggornissaat katiternissaallu ilinniassavat. Imaassinnaavoq pladit issusoorsuit svejserneqartut, kisianni aamma svejserisut pladit saattuaarsuit savimerngilluunniit immikkut ittut pisariusumik svejsernissaat ilinniartarpaat.

Ilinniassavatit saviminerni assigiinngitsuni svejserineq, peqiterineq qiortaaneq aamma qinniliorneq.

Aamma ilinniassavat immikkoortut assigiinngitsut svejserlugillu suliarinissaat, naammassisat suliamut angisuumut ilanngullugit katiternissaat siunertaralugu, soorlu umiarsualiornermi.

Suliffissuaqarfinni svejsikkanut tunngatillugu pitsaassutsimik piumasaqaatit nakkutilliinerillu sakkortusinerisa kinguneraat, svejserisoq ilisimasaminut pisinnaasaminullu uppernarsaatinik allagartaqartariaqarmat, allagartallu taakku ingerlaavartumik nutartertariaqarlutik.

Sungiusarluni sulineq

Ilinnialissaguit sungiusarlutit suliffissarsisimasariaqarputit. Sungiusarlutit suliffissarsinissat nammineq akisussaaffigivat, kisianni qitiusumik ilinniarfik najukkannilu inuutissarsiutinik ilinniarfik attavigilluarsinnaavatit ikioqqullutit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.             

Ilinniarnerup ingerlanera                                          

Svejserisutut ilinniarneq ukiunik 2½-nik sivisussuseqarpoq, taakkunanngalu sapaatip-akunneri 40-t ilinniarfimmi pissallutik.

Tunngaviusumik ilinniarnermi ilinniarfimmiinnerit sapaatip-akunnerinik 8+12-inik sivisussuseqarput. Pingaarnertut ilinniarnerup ingerlanerani ilinniarfimmiinnissat marluusut katillugit sapaatip-akunnerinik 20-nik sivisussuseqarput.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Sungiusarluni suliffissamik isumaqatigiissuteqareersimaneq
  • Meeqqat atuarfianni 11. klassimi misilitsissimanissaq qallunaat oqaasiini minnerpaamik 6, matematikkimi minnerpaamik 7, fysikkimi 6 tuluillu oqaasiini 6 (13-skalami) karakteereralugit assingusunilluunniit pisinnaasaqarnissaq
    imaluunniit
  • Meeqqat atuarfiannit 10. klassimi misilitsissimanissaq qallunaat oqaasiini minnerpaamik E, matematikkimi D, fysikkimi E tuluillu oqaasiini E karakteereralugit assingusunilluunniit pisinnaasaqarnissaq.

 

 

 

 

Siunissami periarfissat

Svejserisut amerlaqisut umiarsualiorluni suliffissuarmi suliffinnilu taakkununnga attuumasuni sulipput. Aamma immikkut ilinniakkat apeqqutaatillugu produktionsteknologitut imaluunniit installatøritut ilinniaqqissinnaavutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl