Saffiooq VVS-Energiteknikeritut immikkut ilinniagalik

Saffiuutut suliat soqutigivigit, aamma nukissiornermi teknologiip ikkussuunnissaanik aaqqissuunnissaanillu suliaqarusuppit?

Ilinniakkap normua: 202126

 

Piviusut

  • Sivisussusaa: uk. 4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Nuuk
  • Paasissutissat: www.kti.gl

Saffiuut sanaassat assigiinngitsorpassuarnik ilusillit angissusillillu saalimasut siaangasullu, ruujorit assigiinngitsunik issussuseqarlutillu ilusillit, titartakkat najoqqutassiallu assigiinngitsut kiisalu ilitsersuutit assigiinngitsut oqaatsinik assigiinngitsunik allassimasut najoqqutaralugit suliaqartarput. Saffiooq immikkut VVS-Energitekniker-mik sammisalik kissarssuutit assigiinngitsut, silaannarissarfiit, soorlu illuni anginerusuni, illorsuarni fabrikkinilu iluarsaallutillu ikkussortarpaat. Energiteknikerituttaaq najugaqarfinni uffarfinni/perusuersartarfinni atortunik suliaqarsinnaasarpoq.  Kuuffiit, errortortarfiit, wc-it seqqittaatit allarpassuillu iluarsaattarpaat. Imermut atuinissamut sipaarutaasinnaasunik atortunik soorlu seqernup nukinganik atortutallit ikkussortarpaat. Vvs-energiteknikerit illoqarfimmi ruujorit gasimut,  imermut  kiassaatitullu atortut aqquserngit ataatigoortut ikkussorlugillu iluarsaattarpaat. Energiteknikerit ruujorilerisuni, imeqarfinni elværkini, suliffeqarfinni pinngortitamiit nukissaliorfiusuni suliffissuarnilu sulisarput. Sulinerit værkstedini, sanaartorfiusuni najugaqarfiusuniluunniit ingerlanneqartarput.            

Ilinniarnerup ingerlanera

  1. Ilinniartuuneq suliffimmi sungiusarluni imalt. Piareersarfimmi aallarnisarluni aallartittarpoq.
  2. Tamanna pereerpat ilinniartut Saviminilerinermik Ilinniarfimmi sap.ak. 8-ni siullermeertumik ilinniariartortoqassaaq.
Saffiooq immikkut VVS-Energitekniker-mik sammisalik ilinniarneq ukiunik 4-nik sivisussuseqarpoq, taakkunannga sap.ak. 55-it ilinniarfimmi ingerlanneqartarput.
Ukioq 1. Ukioq 2. Ukioq 3. Ukioq 4.
8 12 10 10 10 5

Saffiuutut ilinniarneq atuarfimmiittarnermik sungiusarnermillu paarlakaasuuvoq. Tunngaviusumi ingerlanermi ilinniarfimmiittarneq sap.ak. 8+12-nik sivisussuseqarpoq, taaguuteqarlutillu GF1 aamma GF2.

Ilinniarnerup ingerlaqqinnerani sisamariarluni ilinniarfimmiittarneq sap.ak. katillugit 35-nik sivisussuseqarpoq. Taaguuteqarlutillu H1, H2, H3 aamma H4.

Ilinnialernissamut piumasaqaatit qinnuteqarnerlu

Ilinniartunngorniaraanni Najukami ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.

Karakteerinik 13 skala atorlugu misilitsinnikunut piumasaqaatit
Meeqqat atuarfianni 11. klassemi soraarummersimanissaq piumasaqaataavoq minnerpaamik karakterigalugit qallunaatut 6, kisitsinermi 7, fysik 6 aamma tuluttut 6 assigisaanilluunniit piginnaasaqarneq.

Karakteerinik ECTS-skala atorlugu misilitsinnikunut piumasaqaatit
Meeqqat atuarfianni 10. klassimi soraarummeernissaq piumasaqaataavoq minnerpaamik karaktereralugit qallunaatut E, kisitsinermi D, fysik E aamma tuluttut E assigisaannilluunniit piginnaasaqarneq.

Ilinniartutut tigusaanissamut piumasaqaataavoq suliffimmik sungiusarfeqarneq. Suliffimmik sungiusarfissaqarnissaq ilinniartup namminneq akisussaaffigaa, ilinniarfiup Najukkamilu ilinniarfiup ilinniartup sungiusarfissamik nassaarniarnerani ikiorsinnaavaa. Ilinniartoq sungiusarfissaqanngikkuni, atuarfimmi sungiusarnissaminut qinnuteqarsinnaavoq.

 

 

 

 

  

Siunissami periarfissat

Immikkut qinersimasatit malillugit installatørimut maskinmesterimulluunniit iliniaqqissinnaavutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl