Skibsmontør

Umiarsuit soqutigisarivigit aserfallatsaalinerinillu suliaqarusuppit?

Ilinniakkap normua: 202122

 

Piviusut

  • Sivisussusaa: uk. 4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Nuuk
  • Paasissutissat: www.kti.gl

Skibsmontøritut iliniarnermi ilinniassavatit umiarsuarni motoorit diesilitortut, pumpit maskiinallu allat ikkussuunneri aaqqissuunnerilu. Tassaasinnaapput angallatip motooria pingaarneq, hjælpemootorit assigiinngitsut aamma atortut hydrauliskiusut.

Aammattaaq pumpinik, milluaatinik, kisanut sipilinik, lastit assiaqutaannik assigisaannillu aserfallatsaaliineq aaqissuussinerlu ilinniassavatit.

Tamakku saniatigut nutaanik angallatiliornermi nutarterinernilu suliassat pisariaqartut ilinniassavatit. Ilinniarnerup ingerlanerani aammattaaq saviminilerinermi pisinnaasariaqartut ilarpassui ilinniassavatit, soorlu atortuni assigiinngitsuni saviminernik pertiterinerit qiortaanerillu, qillerineq drejerinerlu aamma qinniliornerit.

Sungiusarluni sulineq

Ilinnialissaguit sungiusarlutit suliffissarsisimasariaqarputit. Sungiusarlutit suliffissarsinissat nammineq akisussaaffigivat, kisianni qitiusumik ilinniarfik najukkanilu inuutissarsiutinik ilinniarfik attavigilluarsinnaavatit ikioqqullutit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.             

Ilinniarnerup ingerlanera

Skibsmontøritut ilinniarnermi sungiusarluni sulineq ilinniarfimmiinnerillu paarlakaapput. Tunngaviusumik ilinniarnermi ilinniarfimmiinnerit sapaatip-akunnerinik 8 + 12-nik sivisussuseqarput. Pingaarnertut ilinniarnerup ingerlanerani ilinniarfimmiinnissat sisamaasut katillugit sapaatip-akunnerinik 35-nik sivisussuseqarput.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

 

  • Sungiusarluni suliffissamik isumaqatigiissuteqareersimaneq
  • Meeqqat atuarfianni 11. klassimi misilitsissimanissaq qallunaat oqaasiini minnerpaamik 6, matematikkimi minnerpaamik 7, fysikkimi 6 tuluillu oqaasiini 6 (13-skalami) karakteereralugit assingusunilluunniit pisinnaasaqarnissaq
    imaluunniit
  • Meeqqat atuarfiannit 10. klassimi misilitsissimanissaq qallunaat oqaasiini minnerpaamik E, matematikkimi D, fysikkimi E tuluillu oqaasiini E karakteereralugit assingusunilluunniit pisinnaasaqarnissaq

 


 

 

 

 

Siunissami periarfissat

Skibsmontøritut sulilersinnaavutit, imaluunniit (immikkut ilinniakkat apeqqutaatillugu) produktionsteknologitut imaluunniit diplomingeniøritut ilinniaqqissinnaallutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl