Maskinentreprenørinik ingerlatsisoq

Maskinentreprenørit angisuut aqutarinissaat takorloorsinnaaviuk?

Ilinniakkap normua: 212225

 

                                                                            

Piviusut

  • Sivisussusaa: Uk. 4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Sisimiut
  • Paasissutissat: www.kti.gl

Maskinentreprenørinik ingerlatsisutut ilinniarnermi ilaatigut ilinniassavatit entreprenørmaskiinat assigiinngitsut qanoq sananeqarlutillu atorneqartarnersut.

Kalaallit Nunaanni sanaartornermi pissutsit ilinniassavatit aamma sanaartornermi teknik pillugu atugarsornikkut tigussaasutigullu ilinniassallutit, tamatumunnga ilanngullugit sanaartorfigiuminarsaasarneq, aqqusinniortarneq imeqarnermilu suliassat.

Ilinniarnerup ingerlanera

Ilinniarnermi ukiut marluk ilinniarfimmiissaatit, ukiuni marlunni sungiusarluni sulinermik malitseqartumik. Ilinniarneq tamarmi sivikitsumik ilinniarfimminnermik naggaserneqassaaq, tassanilu svenditut misilitsissaatit.

Ukiuni siullerni marlunni ilinniarfimmiinnerit Sisimiuni pissapput, KTI-mi Aatsitassalerinermik Ilinniarfimmiissallutit. Ukioq siulleq Aatsitassalerinermik Ilinniarfimmi ilinniakkani marluusuni ataatsimoorfiupput. Ukiut marluk qaangiunneranni entreprenørmaskiinanik ingerlatsisutut imaluunnit qaarusummi sulisutut ilinniarumanerlutit toqqssavat.

Pisariaqartitsineq naapertorlugu ilinniarfiup Kalaallit Nunaanni nunanilu allani attaveqarfigisartakkamini sungiusarlutit suliffissarsiorninni ikiussavaatit.

Ilinnialernissamut piumasaqaatit qinnuteqarnerlu                                                    

Ilinnialissagaanni piumasaqaatit makkuupput:

  • Meeqqat atuarfiannit tuluit oqaasiinik, matematikkimik, qallunaat oqaasiinik fysikkimillu inaarutaasumik misilitsissimanissaq, ajornanngippat tuluit oqaasiini matematikkimilu pitsaasunik karakteereqarluni
  • Ilinniarfimmiinnerup aallartinnginnerani 16-inik ukioqalereersimanissaq
  • Biilernermut allagartaqarnissaq *
  • qasujaatsuunissaq

*Biilinermut allagartaqanngikkuit sungiusarlutit sulilinnginninni allagartartaarnissamut periarfissinneqarnissat neqeroorutigissavarput.


 

 

 

 

Siunissami periarfissat

Mikinerusunik annerusunilluunniit sanaartornerup iluani entreprenørmaskiinanik ingerlatsisutut sulilersinnaavutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Sisimiut
Tlf.: +299 86 76 00 / +299 86 30 28
E-mail: si@sanilin.gl