Qalipaasoq

Qalipaasutut sulinissat takorloorsinnaaviuk?

Ilinniakkap normua: 212311

 

Piviusut

  • Sivisussusaa: Uk. 4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Sisimiut
  • Paasissutissat: www.kti.gl 

Qalipaasutut ilinniakkami illunik qalipaasussatut ilinniartinneqassaatit. Illunik qalipaasoq assigiinngisitaartorujussuarnik suliaqartarpoq.

Illuliat nutaat suulluunniit inaarlugit qalipannissaat, tapetilersornissaat aamma natiisa qalliusernissaat pillugit ilinniartinneqassaatit. Qalipaasutut ilinniarsimasutut aammattaaq assersuutigalugu suliarisinnaavatit biilinik qalipaaneq allagartanillu nivinngagassanik qalipaaneq.

Sungiusarluni sulineq

Ilinnialissaguit sungiusarlutit suliffissarsisimasariaqarputit. Sungiusarlutit suliffissarsinissat nammineq akisussaaffigivat, kisianni qitiusumik ilinniarfik najukkanilu inuutissarsiutinik ilinniarfik attavigilluarsinnaavatit ikioqqullutit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.     

Ilinniarnerup ingerlanera

Ukioq ilinniarfiusoq siulleq sapaatip-akunnerini marlunni ilisaritsitsereernerup kingorna, nunap immikkoortuani inuutissarsiummik ilinniarfimmiinnissat katillugit sapaatip-akunneri 18-iupput.

Ilinniakkami sungiusarluni sulineq nunallu immikkoortuani inuutissarsiummik ilinniarfimmiinnerit aamma Sanaartornermik Ilinniarfimmiinnerit paarlakaapput. Ukiut aappaanniit sisamaannut sungiusarluni sulineq katillugillu sisamariarluni qitiusumik ilinniarfimmiinnerit paarlakaapput, taakku sapaati-akunnerinik 10-nik, 12-nik, 9-nik aamma 9-nik sivisussuseqartassapput. Sisamassaanik ilinniarfimmiinnermi sapaatip-akunnerini kingullerni marlunni svenditut misilitsittoqassaaq.

Ilinnialernissamut piumasaqaatit qinnuteqarnerlu

  • Meeqqat atuarfianniit 10. Klassimi inaarutaasumik misilitsinneq, minnerpaamik 6 (karakterskala pisoqaq malillugu) karakteereralugu imaluunniit E (GGS-skala nutaaq malillugu) karakteereralugu – ukiumoortumik karakteerini aamma kalaallisut, qallunaatut, tuluttut kiisalu kisitsinermi/matematikkimi misilitsinnerni karakteeralugu.
  • Malittarisassat pisoqqat naapertorlugit meeqqat atuarfianni 11. Klassimi inaarutaasumik misilitsinnermi agguaqatigiissillugu sammivimmi tamatigoortumi (FSA) aamma annertusisami (FSUA) 6 karakteereralugu.
  • Majoriami (Piareersarfik) FA mi: skala pisoqaq malillugu 6 skalalu nutaaq (GGS-skala) malillugu E karakteereralugu.
  • Sungiusaarluni sulinissamik isumaqatigiissusiorsimanissaq.

Qinnuteqartoq qulaani piumasaqaatinik piviusunngortitsisoq ataatsimoortumik nalileereernikkut ilinniarfiup ilinniarnermut ataatsimiititaliaa aqqutigalugu ilinniartunngorsinnaavoq.

Qinnuteqarfissaq aajuk

Sumiiffinni Majoriamut qinnuteqaatit nassiuguk

 

 

 

 

Siunissami periarfissat

Qalipaasutut suliffissarsisinnaavutit imaluunniit sanaartornermi teknikeritut imaluunniit bygningskonstruktøritut ilinniaqqillutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Sisimiut
Tlf.: +299 86 76 00 / +299 86 30 28
E-mail: si@sanilin.gl