Saffiooq (klejnsmed)

Saffiuutut sulineq soqutigaajuk?

Ilinniakkap normua: 202126

 

Piviusut

  • Sivisussusaa: uk. 4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Nuuk
  • Paasissutissat: www.kti.gl

Saffiuutut (klejnsmed) ilinniarnermi pladinik, ruujorinik profilinilluunniit suliassat minnerusut annerusullu tamaasa suliarinissaat ilinniassavat.

Ilusilersuinnarlugu titartakkat, titartakkat malittarisallu naapertorlugit aamma allamiut oqaasii atorlugit ilitsersuutit assigiinngitsut atorlugit sulinissat ilinniassavat.

Ilinniassavatit saviminerni assigiinngitsuni svejserineq, peqiterineq qiortaaneq aamma qinniliorneq. Aamma sulianik sullissani ikkussuineq ilinniassavat.

Sungiusarluni suliffissaq

Ilinnialissaguit sungiusarlutit suliffissarsisimasariaqarputit. Sungiusarlutit suliffissarsinissat nammineq akisussaaffigivat, kisianni qitiusumik ilinniarfik najukkanilu inuutissarsiutinik ilinniarfik attavigilluarsinnaavatit ikioqqullutit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.     

Ilinniarnerup ingerlanera

Saffiuutut ilinniarnermi ilinniarfimmiinnerit sungiusarlunilu sulinerit paarlakaapput. Tunngaviusumik ilinniarnermut atatillugu ilinniarfimmiinnerit sapaatip-akunnerinik 8+12-nik sivisussuseqarput. Pingaarnertut ilinniarnerup ingerlanerani ilinniarfimmiinnissat sisamaasut katillugit sapaatip-akunnerinik 35-nik sivisussuseqarput.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Sungiusarluni sulinissamik isumaqatigiissuteqarsimanissaq
  • Meeqqat atuarfianni 11. klassimi misilitsissimanissaq qallunaat oqaasiini minnerpaamik 6, matematikkimi minnerpaamik 7, fysikkimi 6 tuluillu oqaasiini 6 (13-skalami) karakteereralugit assingusunilluunniit pisinnaasaqarnissaq
    imaluunniit
  • Meeqqat atuarfiannit 10. klassimi misilitsissimanissaq qallunaat oqaasiini minnerpaamik E, matematikkimi D, fysikkimi E tuluillu oqaasiini E karakteereralugit assingusunilluunniit pisinnaasaqarnissaq.

 


 

 

 

 

Siunissami periarfissat

Saffiuutut (klejnsmeditut) sulilersinnaavutit suliffissuarni, angallassinermik suliffinni, ikaartarfiliornermi umiarsualiornermilu, nutaanik sanaartorfinni imaluunniit aaqqissuussisarfinni. Immikkut ilinniakkat apeqqutaatillugu produktionsteknologitut imaluunniit installatøritut ilinniaqqissinnaavutit.

Aningaasaqarneq

Ilinniarnerit tamaat isumaqatigiissutit naapertorlugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl