Automekaniker (inuinnaat biilii)

Biilinik aaqqissuineq soqutigiviuk, automekanikeritullu sulerusuppit?

Ilinniakkap normua: 202212

 

Piviusut

  • Sivisussusaa: uk.4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Teknikimik Ilinniarfik (KTI), Nuuk
  • Paasissutissat: www.kti.gl

Automekanikeritut ilinniakkami ilinniassavatit angallassissutit benziinamik dieselimillu ingerlatillit aserfallatsaalillugillu aaqqissuunnissaat, soorlu aquuteralanni, inuinnaat biiliini, varebiilini lastbiilinilu mikinerusuni motoorit.

Ullumikkut biilit – mekaniskiinnaanngitsut – annertusiartuinnartumik teknikkitaqarput nakkutigisassaallutillu aserfallatsaalisassaasunik. Soorlu atortut makku amerliannartuinnarlutik: ABS-bremsit, servostyring, bremseforstærkerit, turboladerit, elektronisk indsprøjtning, elektronisk tænding aamma silaannarissaatit.

Sungiusarluni suliffissaq

Ilinnialissaguit sungiusarlutit suliffissarsisimasariaqarputit. Sungiusarlutit suliffissarsinissat nammineq akisussaaffigivat, kisianni qitiusumik ilinniarfik najukkanilu inuutissarsiutinik ilinniarfik attavigilluarsinnaavatit ikioqqullutit.

Sungiusarlutit suliffissarsisinnaanngikkuit ilinniarfimmiiuutigaluni sungiusarluni sulinissaq qinnutigisinnaavat.       

Ilinniarnerup ingerlanera                 

Automekanikeritut ilinniarnermi ilinniarfimmiinnerit sungiusarlunilu sulinerit paarlakaapput. Tunngaviusumik ilinniarnermi ilinniarfimmiinnissat tassaapput sapaatip-akunneri 8 + 12.

Pingaarnertut ilinniarnerup ingerlanerani ilinniarfimmiinnissat katillugit sapaatip-akunnerinik 35-nik sivisussuseqarput.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfianni 11. klassimi misilitsissimanissaq qallunaat oqaasiini minnerpaamik 6, matematikkimi minnerpaamik 7, fysikkimi 6 tuluillu oqaasiini 6  (13.skalami) karakteereralugit assingusunilluunniit pisinnaasaqarnissaq
    imaluunniit
  • Meeqqat atuarfiannit 10. klassimi misilitsissimanissaq qallunaat oqaasiini minnerpaamik E, matematikkimi D, fysikkimi E tuluillu oqaasiini E karakteereralugit assingusunilluunniit pisinnaasaqarnissaq.

 

 

 

 

Siunissami periarfissat

Automekanikeritut sulilersinnaavutit imaluunniit (immikkut ilinniakkatit apeqqutaatillugit) ilinniaqqissinnaallutit biilinik immikkut ilisimasalittut (lsagkyndig), produktionsteknologitut, maskinmesteritut imaluunniit diplomingeniøritut.

Aningaasaqarneq

Ilinniarnerit tamaat isumaqatigiissutit malillugit lærlingitut akissarsiaqassaatit. Annertunerusumik paasisaqarit uani.

Attavissaq

KTI – Nuuk
Tlf.: +299 34 86 00 / +299 32 20 23
E-mail: jm@jernmetalskole.gl