Skibsassistent

Umiarsuit soqutigivigit, umiarsuarmilu assassorissanik suliaqarusuppit?

Ilinniakkap normua: 242012

 

Piviusut:

  • Sivisussusaa: sap.ak. 20
  • Qinnuteqarfissap killinga: 29. september 2017
  • Aningaasaqarneq: Ilinniagaqarnersiutit
  • Ilinniarfik: Imarsiornermik Ilinniarfik
  • , Nuuk
  • Paasissutissat: www.maritim.gl

Skibsassistentitut ilinniarnermi umiarsuup qaavani maskiinaqarfianilu suliassat assassorissat suliarinissaat ilinniassavatit.

Ilinniassavatit aquttarfimmi maskiinamilu pigaartutut ikiortaanissaq, lastilerinerup piareersarnera suliassallu suliarinerat, aamma angallammik aqunneq.

Aamma suliassat allat soorlu angallatip pituttornera, umiarsuup motooriisa allatigullu atortut mekaniskiusut teknikkikkullu atortut aserfallatsaalinissaat ilinniassavatit.

Skibsassistentitut eqqiaanermut aserfallatsaaliinermullu peqataasassaatit, inuttanullu isumannaallisaanermik suliaqartunut ilaassallutit, soorlu røgdykkeritut.

Ilinnialernissamut piumasaqaatit qinnuteqarnerlu

Skibsassistentitut inaarutaasumik pikkorissarnermut peqataanissamut makku piumasaqaataapput:

  • Skibsassistentitut sungiussisimanngitsutut tunngaviusumik pikkorissarnermut naammassisimanissaa
  • Minnerpaamik qaammatini 6-ni umiartorsimanissaq.

 

 

 

 

Siunissami periarfissat

Skibsassistentitut sungiussisimasutut makku ingerlaqqiffigisinnaavatit:

  • ”Inuutissarsiutigalugu angalanissamut piukkunnassutsimut uppernarsaat” ingerlaqqiffiusumik pikkorissaatigisinnaavat
  • Sapaatip-akunnerini 4-ni radiulerinermik pikkorissarneq (ROC), skibsassistentitut sungiussisimasutut angusisimagaanni umiarsuarni 200 bruttotons angullugu angissusilinni aquttutut umiartorsinnaanermik pisinnaatitsissutaasoq
  • Kystskipperitut, sætteskipperitut imaluunniit umiarsuup naalagaatut ilinniarneq
  • Ukioq ataaseq skibsmaskinistitut ilinniarneq, umiarsuarni 3000 kW angissusilinni maskinmesteritut umiartornissamut pisinnaatitsisoq

Aningaasaqarneq

Ilinniarneq tamaat ilinniagaqarnersiuteqarnissat qinnutigisinnaavat. Annertunerusumik paasisaqarit uani.

Attavissaq

Imarsiornermik Ilinniarfik
Tlf.: +299 34 87 87            
E-mail: maritim@maritim.gl