Sætteskipper

Umiarsuit sumiissusersiornerlu soqutigisarivigit, umiarsuarmilu inuttanut ilaarusuppit?

Ilinniakkap normua: 380041

 

Piviusut

  • Sivisussusaa: qaammatit 18
  • Qinnuteqarfissap killinga: 29. september 2017
  • Aningaasaqarneq: Ilinniagaqarnersiutit
  • Ilinniarfik: Imarsiornermik Ilinniarfik, Nuuk
  • Paasissutissat: www.maritim.gl

Angallatip naalagaatut ilinniarnikkut umiarsuarni mikinerusuni akunnattumillu angissusilinni aquttutut, naalakkatut sulinermilluunniit aqutsisutut sulilersinnaanerit tunngavississavat.

Niuffagiutini tamani 1. aamma 2. styrmanditut umiartornissat ilinniassavat.

Ilinnialernissamut piumasaqaatit qinnuteqarnerlu

Sætteskipperitut ilinnialernissamut makku piumasaqaataapput: 

  • Imarsiornermik ilinniarfimmi imaluunniit umiarsuarmi ilinniarfiutigisumik skibsassistentitut tunngaviusumik pikkorissarneq naammassisimagukku aquttumut ilinniartutut (styrmandsaspirant) qaammatini 12-ni umiartorsimassaatit imaluunniit skibsassistentitut sungiussisimanngitsutut qaammatini 18-ini umiartorsimallutit
  • Aamma qaammatini 15-ini skibsassistentitut sungiussisimanngitsutut umiartorsinnaavutit. Taamaappalli skibsassistentinut inaarutaasumik pikkorissarneq naammassisimasariaqarlugu
  • Suliamik ilinniagaqaruit (saviminilerineq, uk. 3-4) aamma imarsiornermik ilinniarfimmi sapaatip-akunnerini 10-ni imarsiornermik pikkorissarsimaguit piumasaavoq qaammatini 12-ni skibsassistentitut umiartorsimanissat.
  • Umiarsuarmi mekanikeritut ilinniarsimaguit toqqaannartumik ilinnialersinnaavutit. Umiarsuarmi mekanikeritut ilinniarnerup minnerpaamik qaammatini 12-ni umiartorneq ilagisariaqarpaa
  • Umiartoqqaarsimanissamik piumasaqaataasunit qaammatit 12-t niuffagiutini 500 BT sinnerlugu angissusilinni umiartorfiussapput, taakkunanngalu qaammatit 6 sinerissap qanittuata avataani angalanerussallutik.
  • Aammattaaq Imarsiornermik Ilinniarfimmi ilinnialernermi piumasaavoq atuuttunik pigaartuunermut allagartaqarlunilu peqqissutsimut uppernarsaateqartoqarnissaa (Atuagaq Tungujortoq)
  • Kiisalu piumasaavoq meeqqat atuarfianni 10. klassimi inaarutaasumik misilitsissimanissaq qallunaat tuluillu oqaasiini, matematikkimi aamma fysik/kemimi – atuartitsissutini tamani minnerpaamik 02 karakteereralugu.

 

 

 

 

Siunissami periarfissat

Kystskipperitut ilinniarsimaguit niuffagiutini 500 BT tikillugit angissusilinni aquttutut naalakkatulluunniit sulisinnaavutit.

Aningaasaqarneq

Ilinniarneq tamaat ilinniagaqarnersiuteqarnissat qinnutigisinnaavat. Annertunerusumik paasisaqarit uani.

Attavissaq

Imarsiornermik Ilinniarfik
Tlf.: +299 34 87 87            
E-mail: maritim@maritim.gl