Imarsiornermi Tunngaviusumik ilinniarneq

Imarsiornerup aalisarnerullu iluani ilinniagaqarusuppit?

Ilinniakkap normua: 240032

 

Piviusut

  • Sivisussusaa: qaammatit 5
  • Qinnuteqarfissap killinga: 15. maj aamma 15. november 2017
  • Aningaasaqarneq: Ilinniagaqarnersiutit
  • Ilinniarfik: Imarsiornermik Ilinniarfik, Paamiut
  • Paasissutissat: www.maritim.gl

Imarsiornermi Tunngaviusumik ilinniarneq imarsiornermi aalisarnermilu ataatsimoorussamik tunngaviusumik ilinniagaavoq. Tunngaviusumik ilinniarnerup naammassereernerani aalisarnermi assisitentitut imaluunniit skibsassisitentitut sungiussisimanngitsutut umiartulerumalluni qinnuteqartoqarsinnaavoq.

Ilinniarnerup ingerlanera

Tunngaviusumik ilinniarnermut ilaapput atuagarsorluni assassorissatigullu ilinniarneq.

Ilinniarnermi ilaatigut ilinniartitsissutit nalinginnaasut (soorlu matematik, fysik aamma kemi, tuluit qallunaallu oqaasii) aamma suliamut sammisut (soorlu sumiissusersiorneq, aalisarnermik ilinniarneq, imaq pillugu ilinniarneq, imarsiortutut suliassat, immakkut angallannermi malittarisassat, imaani isumannaallisaaneq, qatserineq aamma motoorilerineq sakkunillu ilinniarneq) ilinniartitsissutaasarput.

Ilinniarnerup ingerlanerani sunngiffimmi angalasutut motoorilerinermullu piukkunnassutsimut allagartartaartoqassaaq.

Ilinnialernissamut piumasaqaatit qinnuteqarnerlu                                                    

Ilinnialernissamut makku piumasaqaataapput:

  • Meeqqat atuarfiannit naammaginartumik angusaqarluni inaarutaasumik misilitsissimaneq
  • 17½ -inik ukioqarneq
  • Peqqissuuneq aamma nalinginnaasumik isigisinnaallunilu tusaasinnaaneq
  • Matematikkimi, qallunaat tuluillu oqaasiinik pisinnaasaqarluarnissaq

 

 

 

 

Siunissami periarfissat

Tunngaviusumik ilinniagaq naammasigukku aalisarnermi assistentitut (fiskeriassistent) imaluunniit skibsassistentitut sungiussisimanngitsutut (ubefaren skibsassistent) umiartulerumallutit qinnuteqarsinnaavutit. Aamma skibsassistentitut, qalulerisutut aqumiutulluunniit ilinniaqqissinnaavutit.

Aningaasaqarneq

Ilinniarneq tamaat ilinniagaqarnersiuteqarnissat qinnutigisinnaavat. Annertunerusumik paasisaqarit uani.

Attavissaq

Imarsiornermik Ilinniarfik
Tlf.: +299 34 87 87
E-mail: maritim@maritim.gl