Kystskipper

Umiarsuit aalisarnerlu soqutigvigit, umiarsuarmilu inuttanut ilaarusuppit?

Ilinniakkap normua: 380031

 

Piviusut

  • Sivisussusaa: qaammatit 6
  • Qinnuteqarfissap killinga: 29. september 2017
  • Aningaasaqarneq: Ilinniagaqarnersiutit
  • Ilinniarfik: Imarsiornermik Ilinniarfik, Nuuk
  • Paasissutissat: www.maritim.gl

Kystskipperitut ilinniarnermi sumiissusersiorneq angallammullu naalakkatut sulineq ilinniarneqartarput. Aamma angallamik usilersuineq usingiaanerlu ilinniassavatit.

Tamatigullumi angallammi sulianik aqutsisussatut ilinniartinneqassaatit, aamma lastit, usingiaanermi atortut, angallatip qaavata allarpassuillu aserfallatsaalinissaannut aaqqissuunnissaannullu tunngatillugut.

Ilinnialernissamut piumasaqaatit qinnuteqarnerlu

Kystskipperitut ilinnialernissamut makku piumasaqaataapput:

  • Meeqqat atuarfianni inaarutaasumik misilitsissimanissaq
  • Imarsiornermik ilinniarfimmi umiarsuarmiluunniit ilinniarfiutigisumi skibsassistentinut tunngaviusumik pikkorissarnerup naammassisimanissaa
  • Aquttumut ilinniartutut qaammatini 12-ni umiartorsimanissaq imaluunniit skibsassistentitut sungiussisimanngitsutut (ubefaren skibsassistent) qaammatini 18-ini umiartorsimanissaq.
  • Imarsiortunut atuuttumik peqqissutsimut uppernarsaateqarnissaq (”Atuagaq Tungujortoq”)

Aamma skibsassistentitut sungiussisimanngitsutut qaammatini 15-ini umiartoreerlutit ilinnialersinnaavutit, taamaassappalli skibsassistentinut inaarutaasumik pikkorissarneq naammassisariaqarpat.

Suliamik ilinniagaqaruit (saviminilerineq uk. 3-4) qaavatigullu sapaatip-akunnerini 10-ni imarsiornermik ilinniarfimmi imarsiornermik pikkorissarsimaguit, kystskipperitut ilinnialernissamut piumasaavoq skibsassistentitut qaammatini 12-ni umiartorsimanissaq.

Umiarsuarmi mekanikeritut ilinniagaqaruit, toqqaannartumik ilinnialersinnaavutit. Minnerpaamik qaammatini 12-ni umiartorneq umiarsuarmi mekanikeritut ilinniarnerup ilagisimassavaa


 

 

 

 

Siunissami periarfissat

Kystskipperitut ilinniarsimaguit umiarsuarni niuffagiutini 500 BRT angullugu angissusilinni aquttutut naalakkatulluunniit sulisinnaavutit.

Aningaasaqarneq

Ilinniarneq tamaat ilinniagaqarnersiuteqarnissat qinnutigisinnaavat. Paasissutissat annertunerusut uanipput.

Attavissaq

Imarsiornermik ilinniarfik
Tlf.: +299 34 87 87            
E-mail: maritim@maritim.gl