Fiskeskipper af 1. grad

Umiarsuit aalisarnerlu soqutigivigit, umiarsuarmilu inuttanut ilaarusuppit?

Ilinniakkap normua: 241021

 

Piviusut

  • Sivisussusaa: qaammatit 18
  • Qinnuteqarfissap killinga: 29. september 2017
  • Aningaasaqarneq: Ilinniagaqarnersiutit
  • Ilinniarfik: Imarsiornermik Ilinniarfik, Nuuk
  • Paasissutissat: www.maritim.gl

Fiskeskipper af 1. grad-itut ilinniarninni ilinniarneqassapput sumiissusersiorneq, silasiorneq, pigaartoqarneq, takussaasumik kalerrisaarineq, skibsteknik, peqqinnermut ilinniarneq, imarsiornermi inatsisit, isumannaallisaaneq, aalisakkanik ujarlernermi sumiissusersiornermilu atortut aamma IT

Aamma ilinniassavatit qatserineq, qallunaat tuluillu oqaasii, uumassuseqartulerineq (biologi), imaq pillugu ilinniarneq aalisarnerlu pillugu ilinniagassat. Fiskeskipper af 1. grad-itut piginnaaneqalissaatit imartani suniluunniit aalisariutinik qanorluunniit angissusilinnik naalagaasinnaanngorlutit.

Fiskeskipper af 1. grad-imut ilinniarneq qaammatinik 18-inik sivisussuseqarpoq. Fiskeskipper af 3. grad-itut angusisimaguit qaammatini 12-ni ilinniarsinnaavutit.

Ilinnialernissamut piumasaqaatit qinnuteqarnerlu

Ilinnialissaguit makku piumasaapput:

  • Meeqqat atuarfianni angusilluni inaarutaasumik misilitsinneq imaluunniit imarsiornermik piareersaataasumik pikkorissarnermi angusisimaneq
  • Umiarsuarni 12 meterinik takinerusuni minnerpaamik qaammatini 24-ni umiartorsimaneq
  • Imarsiortunut atuuttumik peqqissutsimut uppernarsaateqarnissaq (”Atuagaq Tungujortoq”)

Tunngaviusumik ilinniarsimaguit imaluunniit umiarsuarmi ilinniarfiutigisumi ilinniarsimaguit qaammatit 18-iinnaat umiartoqqaarnissat piumasaavoq. Eqqaamallugu minnerpaamik qaammatit 12-it aalisariummi umiartorsimassagavit. Umiartorsimaneq søfartsbogimi uppernarsarsimassaaq.

Aalisariummi 12 meterit sinnerlugit takissusilimmi (15 BRT) qaammatini 24-ni tamakkiisumik umiartorsimaguit ilinniarlutit toqqaannartumik aallartissinnaavutit. Umiartorsimaneq søfartsbogimi uppernarsarsimassaaq.


 

 

 

 

Siunissami periarfissat

Fiskeskipper af 1. grad-itut ilinniagaqaruit aalisariutini aquttutut, naalakkatut sulinermilu pisortatut sulisinnaavutit.

Aningaasaqarneq

Ilinniarneq tamaat ilinniagaqarnersiuteqarnissat qinnutigisinnaavat. Paasissutissat annertunerusut uanipput.

Attavissaq

Imarsiornermik Ilinniarfik
Tlf.: +299 34 87 87            
E-mail: maritim@maritim.gl