Saqisoq

Neriniartarfinnut neriartortut sullinnissaat misigisaqarluartinnissaallu soqutigiviuk?

Ilinniakkap normua: 232021


Piviusut

  • Sivisussusaa: Uk. 3  qaammatillu 4
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Inuili, Narsaq
  • Ilinniarnermi oqaatsit: Qallunaatut
  • Paasissutissat: www.inuili.gl

Saqisutut ilinniakkami igaffinni, neriniartarfinni akunnittarfinnilu suliat pillugit tunngaviusumik ilinniagaqassaatit, taamatullu sullissinerit pillugit tunngaviusumik ilinniarlutit.

Aamma tunisineq neriartortunillu sullissineq ilisimasaqarfigilissavatit aamma nammineerlutit sungiussisimalluarlutillu nerisassat allagartaat malillugit inunnillu arlariinnik neriartortunik ingerlatsinerit piginnaaneqarfigilissavatit.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfianniit inaarutaasumik misilitsinneq, minnerpaamik 6 (karakterskala pisoqaq malillugu) karakteereralugu imaluunniit E (GGS-skala nutaaq malillugu) karakteereralugu – ukiumoortumik karakteerini aamma kalaallisut, qallunaatut kiisalu kisitsinermi/matematikkimi misilitsinnerni karakteeralugu.
    imaluunniit
  • Malittarisassat pisoqqat naapertorlugit meeqqat atuarfiannit inaarutaasumik misilitsinnermi agguaqatigiissillugu sammivimmi tamatigoortumi (FA) 7 karakteereralugu imaluunniit sammivimmi annertusisami (FSUA) 6 karakteereralugu
    imaluunniit
  • Majoriami (Piareersarfik) FA mi: skala pisoqaq malillugu 6 skalalu nutaaq (GGS-skala) malillugu E karakteereralugu.




Siunissami periarfissat

Saqisutut ilinniarsimasoq neriniartarfinni suniluunniit sulisinnaavoq.

Aamma ilinniaqqissinnaavutit igasutut, inuussutissalerinermi teknikeritut imaluunniit akunnittarfinni neriniartarfinnilu suliat iluanni akademiøkonomitut ilinniaqqissinnaallutit.

Aningaasaqarneq

Ilinniarnerit tamaat lærlingitut akissarsiaqassaatit. Annertunerusumik paasisaqarit uani.

Attavissaq

Inuili
Tlf.: +299 66 13 13
E-mail: Inuili@inuili.com