Inuussutissalerinermi assistenti (Ernæringsassistent)

Peqqinnartunik nerisaqarneq aamma inuiaqatigiinni suliffeqarfinni innuttaasunut nerisassat piareersarlugillu illinnarsarlugit sassaalliunnissaat soqutigivigit?

Ilinniakkap normua: 232113

Piviusut

  • Sivisussusaa: Uk. 3
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Inuili, Narsaq
  • Paasissutissat: www.inuili.gl 

Inuussutissalerinermi assistentitut ilinniakkami meeqqat, inersimasut utoqqaallu nerisassaannik piareersaanermi sassaalliinermilu suliassat tigussaasut isumaginissaat ilinniassavatit.

Aamma igaffimmi sulinermut atatillugu torersaaneq, erruineq eqqiaanerlu ilinniassavatit.

Ilinniarnerup ingerlanera

Ilinniakkami sungiusarluni sulineq sisamariarlunilu Inuilimiinneq paarlakaapput.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfianniit inaarutaasumik misilitsinneq, minnerpaamik 6 (karakterskala pisoqaq malillugu) karakteereralugu imaluunniit E (GGS-skala nutaaq malillugu) karakteereralugu – ukiumoortumik karakteerini aamma kalaallisut, qallunaatut kiisalu kisitsinermi/matematikkimi misilitsinnerni karakteeralugu.
    imaluunniit
  • Malittarisassat pisoqqat naapertorlugit meeqqat atuarfiannit inaarutaasumik misilitsinnermi agguaqatigiissillugu sammivimmi tamatigoortumi (FA) 7 karakteereralugu imaluunniit sammivimmi annertusisami (FSUA) 6 karakteereralugu
    imaluunniit
  • Majoriami (Piareersarfik) FA mi: skala pisoqaq malillugu 6 skalalu nutaaq (GGS-skala) malillugu E karakteereralugu. .




Siunissami periarfissat

Inuussutissalerinermi assistentit suliffeqarfiit igaffiini suniluunniit sulisinnaapput, taakkununnga ilanngullugit igaffiit kantiinanut, meeqqerivinnut, atuarfinnut assigisaannullu attuumasut.

Aningaasaqarneq

Ilinniarnerit tamaat lærlingitut akissarsiaqassaatit. Annertunerusumik paasisaqarit uani.

Attavissaq

Inuili
Tlf.: +299 66 13 13
E-mail: Inuili@inuili.com