Neqaarniaq (igaassanik)

Neqinik neqinillu nerisassianik suliaqarusuppit?

Ilinniakkap normua: 232322


Piviusut

  • Sivisussusaa: Uk. 3 aamma qaammatit 6
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Inuili, Narsaq
  • Paasissutissat: www.inuili.gl 

Igaassanik neqaarniatut (detailslagter) ilinniakkami uumasuutigineqartartut assigiinngitsut pillugit ilinniagaqassaatit aamma neqaasa uullisarnerat toqqortarinerallu ilinniassavatit, neqit aqillutik illinnartuunissaat anguniarlugu. Nillataartitsivimmi neqit suliarnissaannik pisiniat siunnersornissaat aamma ilinniassavat.

Aammattaaq igaassanik neqaarniatut ilinniassavat nerisassanik suliareriikkanik, pølsinik mamartulianillu nioqqutissiorneq.

Ilinniarnerup ingerlanera

Ilinniarnermi sungiusarluni sulineq ilinniarfimmiinnerlu paarlakaapput. Sapaatip-akunnerini 2 x 10-ni siullerni ilinniarfimmiinneq Inuilimi pissaaq, sapaatip-akunnerinilu 15-ini ilinniarfimiinneq sisamariarluni pissaaq Uddannelsescenter Holstebromi.

Ilinniagaq ilinniarfimmiinnermi kingullermi svenditut misilitsinnermi naggaserneqassaaq.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfianniit inaarutaasumik misilitsinneq, minnerpaamik 6 (karakterskala pisoqaq malillugu) karakteereralugu imaluunniit E (GGS-skala nutaaq malillugu) karakteereralugu – ukiumoortumik karakteerini aamma kalaallisut, qallunaatut kiisalu kisitsinermi/matematikkimi misilitsinnerni karakteeralugu.
    imaluunniit
  • Malittarisassat pisoqqat naapertorlugit meeqqat atuarfiannit inaarutaasumik misilitsinnermi agguaqatigiissillugu sammivimmi tamatigoortumi (FA) 7 karakteereralugu imaluunniit sammivimmi annertusisami (FSUA) 6 karakteereralugu
    imaluunniit
  • Majoriami (Piareersarfik) FA mi: skala pisoqaq malillugu 6 skalalu nutaaq (GGS-skala) malillugu E karakteereralugu.  

 

Siunissami periarfissat

Igaassanik neqaarniat neqqarniarfinni, neqqaarniarnermilu immikkoortoqarfinni sulisarput imaluunniit namminneq suliffimmik aallartitsisinnaallutik.

Aningaasaqarneq

Ilinniarnerit tamaat lærlingitut akissarsiaqassaatit. Annertunerusumik paasisaqarit uani.

Attavissaq

Inuili

Tlf.: +299 66 13 13
E-mail: Inuili@inuili.com