Cater- aamma kantineassistenti

Neriartortunik sullissineq aamma nerisassanik piareersaaneq illinnarsarlugillu suliarisarnerat nuannariviuk?

Ilinniakkap normua: 232010


Piviusut

  • Sivisussusaa: Uk. 2 qaammatillu 6
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Inuili, Narsaq
  • Paasissutissat: www.inuili.gl

Cater- aamma kantineasisstentitut ilinniaruit tunngaviusumik ilinniassavatit igaffinni, kantiinani, neriniartarfinni akunnittarfinnilu suliat, aamma sullissinerit pillugit tunngaviusumik ilikkagaqassallutit.

Cater- aamma kantineassistentitut ilinniarsimasup piginnaasaqarfigisarpai nioqqutissiassat pitsaassusiisa nalilernissaat, aamma cafeteriani kantiinanilu sassaalliutissat piareersarnerat, suliarinerat illinnarsarnerallu suliarisinnaavai.

Aamma neriartortut sullinnissaat nalinginnaasumillu eqqiluisaarneq ilinniassavatit.

Ilinniarnerup ingerlanera

Ilinniakkami sungiusarluni sulineq pingasoriarlunilu Inuilimiinneq paarlakaapput.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfianniit inaarutaasumik misilitsinneq, minnerpaamik 6 (karakterskala pisoqaq malillugu) karakteereralugu imaluunniit E (GGS-skala nutaaq malillugu) karakteereralugu – ukiumoortumik karakteerini aamma kalaallisut, qallunaatut kiisalu kisitsinermi/matematikkimi misilitsinnerni karakteeralugu.
    imaluunniit
  • Malittarisassat pisoqqat naapertorlugit meeqqat atuarfiannit inaarutaasumik misilitsinnermi agguaqatigiissillugu sammivimmi tamatigoortumi (FA) 7 karakteereralugu imaluunniit sammivimmi annertusisami (FSUA) 6 karakteereralugu
    imaluunniit
  • Majoriami (Piareersarfik) FA mi: skala pisoqaq malillugu 6 skalalu nutaaq (GGS-skala) malillugu E karakteereralugu. .





Siunissami periarfissat

Cater- aamma kantineassistenti cateringimut (nerisassanik pilersuinermut) attuumassuteqartuni imaluunniit kantiinani sulisinnaavoq.

Aningaasaqarneq

Ilinniarnerit tamaat lærlingitut akissarsiaqassaatit. Annertunerusumik paasisaqarit uani.

Attavissaq

Inuili
Tlf.: +299 66 13 13
E-mail: Inuili@inuili.com