Iffiortoq

Nerisassanik soqutigisaqarpit aamma iffiorfimmi nioqqutissiorneq qanoq pilersaarusiorneqarlunilu isumagineqartarnersoq ilinniarusuppiuk?

Ilinniakkap normua: 232311


Piviusut

  • Sivisussaa: uk. 3 aamma qaammatit 7
  • Ilinnialerniaruit ukioq kaajallallugu qinnuteqarsinnaavutit
  • Aningaasaqarneq: Lærlingitut akissarsiat
  • Ilinniarfik: Inuili, Narsaq
  • Paasissutissat: www.inuili.gl

Iffiortutut ilinniarninni ilinniassavatit iffiorneq aamma tunisassiassanik nalilersuineq suliffimmilu nioqqutissiornermik pilersaarusiorneq.

Ilisimalissavatit: pitsaassuseq, aningaasaqarneq, aamma suliat ingerlannerini avatangiisinut tunngasut, taamatullu ilisimalissallugit pisiniarnermut, naatsorsuinermut tuniniaanermullu tunngasut.

Iffiortutut immikkut ilinniakkami (iffiortoq ilisarnaqutilik) ilaatigut ilinniassavatit atortussiat, iffigiussamik sananeq iffiornerlu.

Aamma kaagiliorneq ilinniassavat aamma naqittakkat imusat suliarinerat. Iffiortutut (brødbager) aamma iffiortutut ilisarnaqutilittut (brødbager med profil) alloriarfinni ilinniassavatit nalinginnaasunik qangaaniilli iffiugaasartunik suliaqarneq.

Ilinniarnerup ingerlanera

Ilinniakkami sungiusarluni sulineq aamma ilinniarfimmiinnerit arfinillit paarlakaapput, taakkunanngalu ilinniarfimmiinnerit siulliit marluk Inuilimi pissapput kingulliillut sisamat Uddannelsescenter Holstebromiissallutik.

Ilinnialernissamut piumasaqaatit qinnuteqarnerlu

Ilinnialissagaanni piumasaqaatit makkuupput:

  • Meeqqat atuarfianniit inaarutaasumik misilitsinneq, minnerpaamik 6 (karakterskala pisoqaq malillugu) karakteereralugu imaluunniit E (GGS-skala nutaaq malillugu) karakteereralugu – ukiumoortumik karakteerini aamma kalaallisut, qallunaatut kiisalu kisitsinermi/matematikkimi misilitsinnerni karakteeralugu.
    imaluunniit
  • Malittarisassat pisoqqat naapertorlugit meeqqat atuarfiannit inaarutaasumik misilitsinnermi agguaqatigiissillugu sammivimmi tamatigoortumi (FA) 7 karakteereralugu imaluunniit sammivimmi annertusisami (FSUA) 6 karakteereralugu
    imaluunniit
  • Majoriami (Piareersarfik) FA mi: skala pisoqaq malillugu 6 skalalu nutaaq (GGS-skala) malillugu E karakteereralugu.




Siunissami periarfissat

Iffiortutut ilinniarsimasoq iffiorfimmi suliffeqarfinniluunniit assingusuni sulilersinnaavoq.

Aningaasaqarneq

Ilinniarnerit tamaat lærlingitut akissarsiaqassaatit. Annertunerusumik paasisaqarit uani.

Attavissaq

Inuili
Tlf.: +299 66 13 13
E-mail: Inuili@inuili.com