Qalorsualerisutut qassutilerisutullu

Ilinniakkap normua: 242122

Ilinniagaq inunnut ataasiakkaanut aaqqissuunneqartarpoq. Ilinniarneq tunngavissatut atuartitsinertaqassaaq (GF2), sap. akunnerinik 20-nik sivisussuseqartoq, kiisalu atuartitsineq pingaarneq nalinginnaasumik atuarnertalik suliffimmillu misiliinertalik. Tunngavissatut pingaarnertullu atuartitsinneqarneq Frederikshavnimi EUC Nord-imi pisinnaavoq. 

Qalorsualerisutut qassutilerisutullu ilinniarneq ukiunik marlunnik qaammatinillu arfinilinnik sivisussuseqassaaq.

Ilinniartitsissut 

Ilinniarninni uku atuartitsissutigineqassapput:

Pinngortitalerineq aamma IT
Aalisarnermik ilinniarneq
Qassutinik ilusilersuineq
Iluarsartuussineq aserfallatsaaliinerlu
Tunisassianik ineriartortitsineq
Nutaaliorneq aallarnisaanerlu. 

Suliffimmik misiliinissaq
Ilinniarnivit ingerlanerani suliffimmik misiliissaatit, sulinermilu suliassanik ilinniarnernut attuumassuteqartunik ilinniartinneqarlutit. Suliffimmik misiliineq suliffimmi suliassaqarfimmut tunngasunik ilinniarsimasoqartumi pissaaq. Ilinniarnerit svendinngussalluni misilitsillutit naammassissavat, kingornalu svendinngornermut allagartaq tigussavat.