Qanoq iliorlutit qinnuteqaasavit?

Qinnuteqarnermi immersugassaq ataaniittoq atorlugu inuutissarsiummik ilinniagaq kissaatigisat ilinniarfigilerumallugu qinnuteqarsinnaavutit.

  • Qinnuteqarnermi immersugassaq immersussavat Kalaallit Nunaanni ilinniagaqarnissamik qinnuteqaat aamma ilinniagaqarnersiuteqarnissamik qinnuteqaat.
  • Qinnuteqaatit uppernarsaatillu najukkanni Majoriamut tunniutissavatit nassiullugilluunniit.

Inersimasutut ilinniarneq qinnutigiuk

Inersimasutut ilinniaruit svenditut uppernarsaatitaarlutit naammassisinnaavutit. Piumasaqaatit ukuupput:

  • 30-nik ukioqalersimanissaq, aamma suliffigisap iluani ilinialerumaneq
  • Minnerpaamik ukiuni pingasuni ataavartumik sulisimaneq

Qitiusumik ilinniarfik inuutissarsiummik ilinniarfigiumasat attavigiuk. Qitiusumik ilinniarfimmi tassani ataatsimiititaliap ilinniarnerpit ingerlanissaa ilusilersussavaa. 

Qinnuteqarfissaq killiligaanngilaq. Imaappoq ukioq kaajallallugu qinnuteqarsinnaavutit.

Ajornanngippat ilinnialissagaanni ilinniakkami piumasaqaatit naammassisimasariaqarput, kisianni naggataatugaagut sulinermik misilittakkatit pingaarnerpaatinneqarsinnaapput.

Najukkanni Majoriaq saaffigiuk, qinnuteqarniarnerit aallarnisarnialerukku.