Timersornermik immikkut piginnaanilittut aamma timersortartutut piukkunnassuseqartut ingerlatsisut (Elite Sport Greenland)

Timersornermik immikkut piginnaaneqarfeqaruit timersortartutullu piukkunnassuseqarlutit Elite Sport Greenland suleqatigalugu immikkut akuerisaasumik Kalaallit Nunaata avataani ilinniarnissat periarfissaqarpoq.

Piviusut:

  • Ilinnialernissamut piumasaqaatit: Meeqqat atuarfiata naammassisimanera
  • Qinnuteqarnissamut killigititaq: 1. marts
  • Aningaasaqarneq: Ilinniagaqarnersiat

Timersornermik immikkut piginnaanilik aamma timersortartutut piukkunnassuseqartoq suuppat?

Timersornermik immikkut piginnannanilik (idrætstalent):

  • Ilimagisaavoq timersornermik immikkut piginnaanilik ukiualuit ingerlaneranni timersortartutut piukkunnassuseqartunngussasoq.
  • Nalinginnaasumik Arctic Winter Gamesinut, Islands Gamesinut imaluunniit Pan-Amerikanske Mesterskabinut peqataasarsimavoq
  • Aamma nalinginnaasumik timersuutit arlaanni GM-imut peqataasarsimavoq
  • Kattuffiup tungaanniit timersuummi pineqartumi immikkut piginnaanilittut isigisaaneq
  • Elite Sport Greenlandip piginnaanilinnut pikkorissaaneranut ataatsimut peqataasimaneq

Timersortartutut piukkunnassuseqartoq (eliteidrætsudøver):

  • Tassaavoq timersortartoq Elite Sport Greenlandip naliliinera malillugu nunarsuarmi pikkorinnerit unammisartuinut nallersuussinnaasoq.
  • Tassaavoq Danmarksmesterskabinut, Europamesterskabinut, Pan-Amerikanske Mesterskabinut, Verdensmesterskabinut imaluunniit OL-mut peqataasarsimasoq.
  • Amerlanertigut  GM-imi ajugaasimasoq.

Aningaasaqarneq

Timersornermik immikkut piginnaanilittut imaluunniit timersortartutut piukkunnassuseqartutut akuerisaasimaguit ilinniarnermi immikkut qiugassanik qinnuteqarsinnaavutit. Imaappoq assersuutigalugu ilinniarnertuunngorniarlutit ilinniarnerit naliginnaasumik piffisaritinneqartartumik sivisunerusumik ingerlassinnaassagit. Tamanna taaneqartarpoq timersortartutut ilinniagaqarnersiuteqartitaaneq.

Qinnuteqartutut nammineq ilinniarnerpit ingerlanissaa katitersinnaavat, ilinniarnerit timersornerillu piffissaq tamaat ingerlatsinertut isigineqarsinnaanngorlugit. Taamaattoq timersortartutut ilinniagaqarnersiaqassaguit ilinniarnerpit ingerlanissaa Elite Sport Greenlandimiit aamma Ilinniagaqarnersiuteqartitsivimmit akuerineqaqqaartussaavoq.

Kikkut timersortartutut ilinniagaqarsiaqarsinnaappat?

  • Meeqqat atuarfiat naammassereersimassavat.
  • Ilinniarnertuunngorniarfimmi, inuutissarsiummik ilinniakkami akuerisaasumi imaluunniit ingerlaqqiffiusumik ilinniarfimmi ilinnialersinnaasutut akuerineqarsinnaasariaqarputit
  • Nammineerlutit ilinniarfimmut ilinniartunngorniarlutit qinnuteqassaatit.

Meeqqat atuarfianni, efterskolini idrætshøjskolinilu ilinniarnermi timersornermik immikkut piginnaanilittut ilinniagaqarnersiaqarsinnaanngilatit.

Kalaallit Nunaata avataani inissarsiornermut tunngasunut siunnersorneqarsinnaavutit, kisianni aningaasartuutissatit tamarmik, tamatumunnga ilanngullugit qularnaveeqqusiussat aamma ineqarnermut akiliutit ilinnit imaluunniit angajoqqaannit akilerneqassapput. Tamanna aamma sportscollege-mi ineqarnissannik qinnuteqaruit atuuppoq.

 

Qinnuteqarneq

Timersortartutut ilinniagaqarnersiaqarnissamik qinnuteqarniaruit periaaseq una malissavat:

  • Una immersoruk: Kalaallit Nunaata avataani ilinniarnernut ilinniagaqarnersiat/immikkut tapiissutinut qinnuteqaat.
  • Ilinniarusutavit toqqarnera pillugu, qanorlu iliorlutit ilinniarnerit timersuutillu ataqatigiissinniarnerlugit nassuiaasiorit
  • Kattuffimmit attuumassuteqarfinnit Elite Sport Greenlandimut timersornermik immikkut piginnaanilittut inassutigineqarlutit oqaaseqaat ilanngutissavat.
  • Imminut ilisaritinnerit timersornikkullu misilittagarisatit (sport – CV) allattorlugit ilanngutissavatit, tamatumunnga ilanngullugit ukiuni kingullerni marlunni timersornikkut angusarisimasatit timersortartutullu siunissami pilersaarutitit.

Ilinnialernissamik qinnuteqaat aamma timersortartutut ilinniagaqarnersiuteqarnissamik qinnuteqaat immikkuussapput.

Qinnuteqaat uunga nassiunneqassaaq:

Elite Sport Greenland
e-mail: info@elitesport.gl 

Kingusinnerpaamik: 1. marts.

Aatsaat immikkorluinnaq pisoqartillugu kingusinaarluni qinnuteqarnerit immikkut akuerineqarsinnaapput. Taamatut pisoqassappat piumasarineqarpoq qinnuteqarnermi isumagisassat tamarluinnarmik piareersimanissaat.

Qinnuteqarnerup nalilerneqarnera

  • Elite Sport Greenlandip qinnuteqaammi pisariaqartinneqartut tamakkersimanersut misissussavai timersornermullu tunngasortaa nalilerlugu.
  • Elite Sport Greenlandip timersortartup timersornikkut piukkunnassusia nalilissavaa aamma oqaloqatigiinnikkut apersuineq aqqutigalugu nalilissavaa ilumut qinnuteqartup oqaatitsigut inooqataanikkullu Nunani Avannarlerni ilinniarnermik timersuummillu aallussinermini  peqataalluarsinnaanera ilimagineqarsinnaanersoq.
  • Elite Sport Greenlandip tamatuma kingorna qinnuteqaat Danmarkimi Kalaallit Illuannut, ilinniakkap qinnuitigineqartup sumiiffianut attuumassuteqartumut nassiutissavaa.

Kalaallit Illuata ilinniarnersiuteqarnissaq pillugu naliliinera:

  • Kalaallit Illuata ilinniarnissamik qinnuteqaatinnik naliliinerup inernera ilinnut nassiutissavaa.
  • Ilinniarfigiligassavit ilinniartunngorninnut akuersissut ilinnut nassiutissavaa.
  • Elite Sport Greenlandip inassuteqaat ataatsimoortoq suliarissavaa assilineralu ilinnut nassiutissallugu.

Elite Sport Greenlandip ilinniariartorlutit aallanngitsiarninni imaluunniit aallartissimatsiarninni qinnuigissavaatit ukiumoortumik timersuummik ingerlatsiniarninni pilersaarummik makkuninnga imaqartumik nasseqqulluni:

  • Kalaallit Nunaata avataani klubbimit ilaasortaaffigilikkanniit timersuummillu ingerlatsiviginiakkanniit uppernarsaat
  • Sapaatip-akunneranut naliginnaasumut sungiusarnermut/ilinniarnermut/sulinermut pilersaarutit
  • Sungiusarninni angullattaagassatut pilersaarutitit

Apeqqutissaqaruit Elite Sport Greenlandimi siunnersorti attavigisinnaavat:

Muusaarannguaq Ostermann Søholm

muusa@elitesport.gl